Day04- 太湖酒樓 @Manchester

朋友Jenny介紹我地去曼城唐人街既太湖酒樓食飯, 好得呀, 好香港口味, 起碼唔係個d 扼外國人既中菜.

我地叫左5個餸兩個飯都只係四十幾英鎊, 果然無介紹錯. 多日無食中菜, 今餐食得好暢快.

呢間酒樓都相當好生意, 我地好夜去到都要等位.

44 Oxford Road (唐人街)
Manchester

0161 236 6557

 (http://www.tai-wu.com/)

Day04-無名神秘Hotel @Manchester

我地係曼城留兩晚, 係booking.com訂左The Apartment Company一間兩房既apartment, 價錢唔貴,
四個人130英鎊一晚, 地方寬敞, 非常新淨, 設備齊全.

唔好既係打掃得唔乾淨, 上網服務失靈, 呢樣對我好緊要架麻，阻鬼住我同屋企人skype, 整極都唔得, 我簡直覺得佢地有欺騙成分，而且佢地應承會係房租打折黎補償我地無得上網 , 但之後又唔認數。

同埋佢地都幾神秘, 大廈外唔俾掛酒店名, 職員係兩個後生仔，一個好punk，另一個成日好似訓唔醒，好奇怪。

Day 3 - 快行奧脫福球場

今日得我同老公去參觀曼聯嘅奧脫福球場，因為原先我地計劃十月三日至四日留係曼城 , 順理成張，打算呢兩日至去曼聯嘅奧脫福球場，點知呢兩日有rugby 賽事，奧脫福球場唔安排俾人參觀, 我地特登黎到英國, 無理由唔去一去曼聯嘅主埸, 但我地又已經買了今日去湖區嘅車票, 其實小螞蟻佢地已經去過奧脫福，所以為免太浪費車票下，只有我同老公行一轉快去參觀曼聯嘅奧脫福球場.

其實我地今日嘅時間好趕，一早８點由倫敦坐mega bus去曼城 (4小時)，然後去明天嘅酒店（Apartment Company) 暫存行李，再去參觀曼聯嘅奧脫福球場，再趕搭已訂好嘅火車（15:45）到湖區會合番小螞蟻佢地，但係mega bus 唔生性，竟然遲了一個鐘先到達車站出發，明天嘅酒店又無掛名係酒店外面，攪到我地係雨中頻頻撲撲，終於都趕唔到參加奧脫福球場嘅參觀團，reception姐姐點都唔肯俾我地入去．
　
唔通我地真係同奧脫福無緣？唔通無了小螞蟻佢地係身邊，我地就咁黑仔？唔通係我地結婚週年日要失望而回？　

係我地力爭下，終於佢地肯收我地錢，俾我地入曼聯博物館，一入到去，我地係又影，唔係又影，慌死蝕底 .....

最好彩係俾我地揾到曼聯上季嬴了兩個大賽冠軍的真正獎杯(保證唔係膺品) – 英超聯同埋歐冠，唔係放係玻璃櫃個種，係擺出黎幫人影相，再key落去奧脫福球場個種，我地真係點到隻冠軍獎杯架！　14英鎊，即俾！呢份係我地最好的結婚週年紀念品．

之後，我地就好滿意o甘離開曼城，向湖區出發！

(其實我地之前都問過網友, mega bus 準唔準時, 佢地都話無問題, 今次好似話係, 有一部megabus著火, 我地個部去左頂著火個部, 唔知真唔真 ? ? )