Day10-生蠔早餐@ 巴士底市場

巴黎有個好出名的巴士底市場這件事, 很早已經知道, 所以一決定來巴黎, 就將佢放在必去行程內.

巴士底市場只在星期日及星期四做生意, 我們只可以係今日去見識, 一到達, 當然找尋海鮮檔, 因為我們要找生蠔做早餐!

這裡的生蠔好鮮味, 但都是很鹹, 和我們早兩日在聖米歇爾山 (St Michel) 食到的生蠔一樣, 非常新鮮.

大清早將這樣美味的生蠔放進口裡, 原來感覺是很幸福的!  真的, 沒騙你!

雖然幸福, 但總不能只吃生蠔, 我們都買了好幾種食物, 其中最好吃就是燒雞, 雞皮燒得扑扑脆, 雞脾滑溜溜, 我們買了一隻, 我和老公一半, 小螞蟻夫婦一半, 吃完後我至發現小螞蟻他們是不吃雞皮的, 實在太浪費喇!  早知我就不分雞皮給他們啦!

有blog 友話生蠔 Speciales Gillardeau No. 2 很好吃, 如果見到不要錯過
(Gillardeau 是蠔的品種, Speciales 是級數，Speciales 比 Fine 較好, No. 2 是大小, No. 2 比 No. 3 較好)

最好自己帶備刀叉, 因為多數沒有提供.

巴士底市場
Boulevard Richard Lenoir
Metro : Bastille
(Thursday / Sunday morning only)

Day09 - Pho 14越南湯粉

今日終於抽到時間去13區既唐人街揾越南湯粉食，之前看到網友推介, 另外又聽過朋友話, 巴黎既越南湯粉係全世界最好食, 所以一早已經將唐人街既越南湯粉定為’必食之一’, 而且我已經好多日無飲湯, 真係好想飲番碗牛肉湯補補身.

我地根據網友教路搭metro 7號線到Tolbiac站, 穿過rue de Tolbiac, 就到了Avenue de Choisy,往左手邊走, 會先到 ’Pho 14’, 再往上走就到’Le Kok’ , 網友推介左兩間 ‘Pho 14’ 同 ‘Le Kok’,我地見到Pho 14 先, 嘩, 都好多人下喎, 而另一間就有點拍烏蠅既感覺.

唔駛講啦, 梗係試Pho 14啦, 我地叫左3個特別牛肉粉，1個生牛肉粉, 佢有分大同細，我梗係唔蝕底要大啦 (7歐羅一碗),個湯底好香好濃, 牛肉同牛丸都好味，配菜好齊，但我唔係幾鍾意佢用金邊粉，而唔用河粉，金邊粉粉就有點硬同太爽身，唔夠滑. 其實都算好味，個人認為最好味既越南湯粉都仲係三藩市.

原來呢間Pho 14都幾出名, 用佢個名係網上搜尋, 都揾到好多人寫過佢!

Pho 14
129, avenu de Choisy, Paris 13e (Tolbiac, Port d'Ivry (7))

Day07-好味晚餐

今晚原先我地想跟網友介紹, 去一間係metro站LA TOUR MAUBOURG 既餐廳Thournieux試法國田螺, 可惜我地揾佢唔到,
我地唯有望下其他餐廳, 睇下揾間啱budget而又多人幫趁既餐廳試啦, 最後我地揀左一間叫 Le Bistrot du 7.

三個courses 既套餐要22歐羅，因為頭盤無得揀田螺，所以散叫左一個share, 頭盤我揀左鴨肝醬多士沙律，好香好好味，食都最後一啖都仲好好食，法國田螺都幾好，不過無驚喜.

主菜我揀肉眼扒，好味過倫敦既牛扒好多倍，唯一缺憾係唔記得問可唔可以唔要薯條，薯條唔係唔好食, 只係食左好多餐喇, 小螞蟻好滿意佢既主菜，三文魚加烚薯，除左因為個三文魚煮得好幼嫩之外，另一方面係唔駛佢食薯條．小螞蟻太太既羊扒都好靚仔呀!

最後，可以選芝士或甜品，無人揀芝士，我就要左黑朱古力慕絲，幾好，我地大家都好滿意. 加埋飲品, 呢餐食左117歐羅, 唔平呢!

巴黎人都唔算好自我, 好多餐廳都有英文餐牌，所以揾野食都唔係好難.