香煎紅衫魚配番茄汁

之前唔覺眼新加坡有紅衫魚賣, 只係見過一些類似的物體, 不太肯定, 所以無買.  最近在牛車水的街市見到有紅衫魚, 有點不信自己的眼睛, 經賣魚的姐姐確認後, 梗係唔放過機會, 買左些來煲湯, 好味!  魚湯是我的至愛, 鮮味又有益!

之後經過那個魚檔, 賣魚的姐姐都會問我要唔要煲湯魚, 要, 她就會從枱底取出紅衫魚, 有點神秘!

今天又買了紅衫魚, 魚頭和上半身用來煲湯, 魚尾用來香煎配番茄汁!

花膠

上次返香港, 除了吃了很多美食之外, 仲買定了補品返新加坡慢慢嘆!

花膠含有天然膠質，豐富的蛋白質和維他命E等，長期服用花膠湯，不但促進新陳代謝，均有固本培元，增強抵抗力，養血美顏，更有助預防骨骼退化之功效，而且花膠是無膽固醇，無脂肪之補品，對增進健康很有幫助!

我喜歡將買返來的花膠一次過浸發好, 剪成每塊約兩吋 x 吋半, 一個保鮮袋入好一次的份量, 放入冰格, 當要煲湯時, 只要取出即可用, 唔止方便, 仲唔怕未發的花膠養蟲。

煲完湯的花膠, 我會用保鮮盒裝好放入雪櫃, 每天早上用熱水浸一塊, 空肚吃早餐前食下, 好似食燕窩一樣, 每天都吃, 唔單止有益, 希望可補充骨膠原!

其實浸發花膠的做法很簡單:

1. 將花膠放入一個完全乾淨的煲或鑊(無油), 浸水至過夜
2. 煲滾水, 放下薑, 蔥及燒酒, 至水滾, 放入花膠
3. 水再次滾起, 蓋上蓋, 熄火, 浸半小時, 取出花膠沖一沖水, 洗走污物
4. 剪成每塊約兩吋 x 吋半, 包好一袋袋, 放入雪櫃冰格冷藏即可

其實好多湯都可以落花膠一齊煲, 例如我至愛的節瓜甘荀鱸魚湯, 番茄西芹甘荀牛筋腩湯或番茄薯仔紅衫魚湯都好得!

天然麵包香 - 紫心番薯包

手攞住獨角仙的天然麵包香, 心就盤算下第二擊做什麼好呢?

覺得她的紫心番薯包真的很漂亮, 嬌艷的紫色加上花花型的麵包外形, 實在很吸引!

一直以為紫心番薯很容易買, 以為在超級市場 (Cold Storage) 常常見到的日本紫色番薯就是, 一天, 在超市正想取起揀選時, 突然覺得有點奇怪, 點解頭尾兩邊露出來的肉是白色的呢 ? 究竟它們的肉是不是紫色的呢 ?  如果未煮熟時是白色, 煮熟後會唔會變紫色呢? 

突然覺得自己好白痴, 好似好簡單的東西都唔知, 唯有唔買住, 返屋企打電話問媽咪, 問家姐, 上網問網友 ....  好彩無買到, 因為那隻日本紫皮番薯唔係紫心的! 

之後再走遍了好幾間不同品牌的超市, NTUC, Isetan, The Market @ Central, Meidi-Ya, 全部都無得賣, 真係咁罕有？最後返璞歸真，竟然在牛車水的街市找到！

蒸熟後的紫心番薯真身．

紫心番薯茸, 顏色好似薰衣草, 味道唔夠甜, 所以做餡的番薯茸就加了兩茶匙的蜜糖．

造型麻麻地，放落戚風模時唔係好平均．

完成最後發酵．

在焗爐裡, 脹卜卜，很可愛！

出爐啦！

食落覺得麵包的質地都ｏｋ，味道都唔錯！其實我減了2%的水，麵糰都係偏濕，如果唔減水，應該很難用手搓，今次搓了約22分鐘，下次試搓耐些，看看麵包質地可不可以再綿密一些！另外番薯餡可弄散一點，平衡遍佈在包裡會好ｄ．