牛河大王 @ 新加坡

新加坡芽籠 Geylang 有很多美食, 其中最出名的有無招牌胡椒蟹, 另外牛河大王都幾有名氣, 之前看過好幾個新加坡的blog 友介紹, 又看過有電視節目介紹他們, 抱住一試無防的心態去試他們.



他們出名的是很濃的豉椒汁濕炒牛河, 當我們未坐低時, 他們已經問我們要吃什麼, 我們就叫了兩碟招牌的牛河, 之後他們給我們餐牌時, 我們才發現原來他們有供應小菜和有其他炒粉麵, 而且仲有我們很掛念的乾炒牛河和咕嚕肉.

乾炒牛河就應該食不到, 不過一碟咕嚕肉就應該難不到我們.



很多人讚賞他們的牛肉很嫩滑, 果然不出我們所料, 牛肉是用梳打粉醃過, 所以很淋很滑, 河粉是大塊的, 不過都算薄, 食得出有鑊氣, 是炒過才加醬汁, 醬汁很惹味, 整體味道都很好, 我不介意他們的梳打粉牛肉, 因為在香港吃滑牛都是差不多, 一碟五元星紙, 不貴.



至於咕嚕肉, 係新鮮炸新鮮煮, 而且食到一塊塊的豬肉, 唔會剩係得粉漿, 味道剛剛好, 不錯, 只是缺少了菠蘿.



之後見到隔離有人食乾炒牛河, 個樣都幾似模似樣, 下次一定要試試!

牛河大王
Lor 9, Geylang
Singapore

再訪京華小吃

當我老公告訴朋友, 我們已經試了他介紹給我們的京華小吃時, 他問我們有沒有叫豆沙鍋餅, 無叫喎, 因為個胃已經無位了.

他的一問, 令到我們又有衝動再去過.

今日中午一時十五分到達門口, 很多人排緊隊, 又熱又餓, 又要排隊, 唯有快快趣諗定食什麼, 好等一坐低就可以落單, 盡快有得食.

必食的鍋貼, 皮脆肉嫩.



皮薄又勁多湯汁的小籠包, 見到下面隻小籠包d皮薄到透到d湯出來嗎 ?



炸菜肉絲湯麵, 呢個普普通通啦.



酸辣湯, 好多金針菜, 豆腐都很滑, 如果有埋冬菇就更好.



主角出場啦, 豆沙鍋餅! 新鮮熱辣辣炸出來, 又香又脆, 又多豆沙, 很好吃啊!



食到中間至發覺, 呢個豆沙鍋餅和平時食開的有些分別, 平時d 皮很薄, 剩食到很脆口的感覺, 呢個面個層皮就薄, 底層皮就厚些, 係煙韌的糯米粉搓出來的皮, 炸得夠透, 有些似食炸湯丸, 很煙韌有咬口, 好特別!



豆沙鍋餅很大份, 十二件, 食到最後, 我雖然很飽, 但我都食哂自己要負責的六件, 好勁呀!

京華小吃 Qun Zhong Eating House
21 Neil Road, Singapore
Tel : 6221 3060
Opening Hours : 11:30am-3:00pm, 5:30pm - 9:30pm
Wednesday Off

偷懶日 - 鮮茄肉丸意粉

話得偷懶, 即是有些東西不是自己整, 無錯, 係肉丸.

上兩個星期去開宜家傢俬, 當然唔少得買包肉丸返屋企, 俾機會自己偷懶下.

不過我都唔懶得哂, 起碼個鮮茄汁係我自己用四個番茄, 半個洋蔥, 三湯匙茄汁, 一粒蒜頭, 少許鮮羅勒, 少許乾的奧勒岡香草 (oregano), 少許鮮冬菇, 少許黑椒, 鹽和糖煮成.

都好味, 不過個心都係掛住個新歡 - Pesto Sauce 意式青醬!