杏仁條

突然記得冰箱裡面還有一些現成酥皮, 看過好幾個blog 友都試過用現成酥皮做杏仁條, 除了曲奇餅之外, 老公都很喜歡食杏仁條和蝴蝶酥, 既然不太複雜, 就即管試下, 材料非常簡單, 只需要酥皮, 杏仁片, 砂糖和少許水.



因為出貓, 所以做法就很簡單, 只需要

1. 將酥皮解凍至軟身, 幹平至厚度約三毫米
2. 掃少許水於酥皮面, 放杏仁片在酥皮面，並把杏仁壓實。
3. 再灑上糖，然後切成2 x 10厘米的長條形。
4. 以170度焗約20分鐘至金黃色即可。



焗完出來, 個樣都幾靚.



只可惜老公嫌酥皮的味道唔夠牛油味, 看看酥皮的包裝紙, 原來成份只有人造牛油, 或許要找些時間, 自己搓酥皮了..... 應該是, 或許要找些時間, 學搓酥皮了!

Brownie 布朗尼

今日手痕, 參考了一些食譜, 試做了合桃Brownie, 可能我做的份量比較少, 令到製成品薄了些, 而且很易碎!

味道都ok, 只是質地唔夠黏, 唔夠濕, 可能太薄, 我又焗得太耐, 下次再試!

 

 

 

牛河大王 @ 新加坡

新加坡芽籠 Geylang 有很多美食, 其中最出名的有無招牌胡椒蟹, 另外牛河大王都幾有名氣, 之前看過好幾個新加坡的blog 友介紹, 又看過有電視節目介紹他們, 抱住一試無防的心態去試他們.



他們出名的是很濃的豉椒汁濕炒牛河, 當我們未坐低時, 他們已經問我們要吃什麼, 我們就叫了兩碟招牌的牛河, 之後他們給我們餐牌時, 我們才發現原來他們有供應小菜和有其他炒粉麵, 而且仲有我們很掛念的乾炒牛河和咕嚕肉.

乾炒牛河就應該食不到, 不過一碟咕嚕肉就應該難不到我們.



很多人讚賞他們的牛肉很嫩滑, 果然不出我們所料, 牛肉是用梳打粉醃過, 所以很淋很滑, 河粉是大塊的, 不過都算薄, 食得出有鑊氣, 是炒過才加醬汁, 醬汁很惹味, 整體味道都很好, 我不介意他們的梳打粉牛肉, 因為在香港吃滑牛都是差不多, 一碟五元星紙, 不貴.



至於咕嚕肉, 係新鮮炸新鮮煮, 而且食到一塊塊的豬肉, 唔會剩係得粉漿, 味道剛剛好, 不錯, 只是缺少了菠蘿.



之後見到隔離有人食乾炒牛河, 個樣都幾似模似樣, 下次一定要試試!

牛河大王
Lor 9, Geylang
Singapore