威南記 Wee Nam Kee @ 新加坡

星期日的晚飯, 好想食叁峇通菜 (馬來風光), 所以就決定到威南記炒餸食飯, 威南記係一間老字號的雞飯店, 我相信佢係日本界相當有名, 因為我在yahoo 搜尋威南記, 搜尋結果頭幾頁都係日文人的網誌, 介紹呢間飯店, 真係失敬失敬!
我地去到, 嘩, 座無虛席, 仲有一些人等緊位, 但你有你等, d 伙計就唔係幾理你, 望下你, 又唔打算幫你登記先後次序, 我地企左一陣都理解唔到佢地安排座位既辦法, 再睇多陣, 原來真係無章法架, 隨班伙計鍾意俾邊個坐就俾邊個坐!  真係俾佢地嚇親, 咩年代? 竟然仲咁無系統!
當我地坐低後, 就急不及待落柯打.
第一樣黎既就係叁峇通菜, 炒得幾好喎, 唔係太辣. 

排骨王, 酸酸甜甜, 味道都唔錯, 只係多左d 鬆肉粉.

叫左兩個雞脾飯, 一個燒雞, 一個蒸雞, 燒雞香, 蒸雞滑, 雞味就唔預佢有啦.

雞飯都幾好, 飯係完正一粒一粒, 唔會太濕太淋, 不過味道我都係鍾意 '天天海南雞飯'多d. 

要左個涼瓜湯, 點知賣哂, 所以要左個咸菜豆腐湯, 原來個湯都幾多料, ok啦.

食完真係捧住個肚!