格仔紋牛扒

早在年多前, 從一對外籍夫婦, 買了一批二手廚具, 其中包括一個坑紋煎pan, 一直都無用過, 今晚好想食牛扒, 食完午餐就特登去伊勢丹買兩件厚d 既牛扒, 順便試下個坑紋煎pan.
我鍾意肥美d, 肉質要淋同軟熟, 有肉味得黎唔要鞋口, 就梗係揀美國肉眼喇.

老公就揀美國西冷, 因為有肉味, 有咬口, 而且瘦d, 少d 肥羔係肉中間, 方便佢切走肥羔.

要煎到格仔紋, 原來都唔係幾難, 只要小心d 較啱放牛扒既角度就ok. 我地用左最簡單又最好味既食法, 就係用海鹽同黑胡椒去煎, 最能食到牛扒既原味.

配菜就有點 '求其', 雪櫃有咩就整咩, 因為牛扒至係主角, 牛扒好好味, 肉裡面好多汁, 煎完塊牛扒, 只要放埋一邊幾分鐘, 唔好即刻切, 等d 肉汁返埋位, 之後切黎食既時候, d 肉汁就唔會流哂落隻碟到, 正! 

西冷都唔鞋, 好味, 只可惜伊勢丹幫我地切牛扒既姐姐, 手藝麻麻地, 一邊厚d, 一邊薄d !

 
sr