其實我之前都有看過新加坡網友介紹過, 知道它是非常受新加坡人喜愛, 可惜它的牛油蟹和蟹湯米粉都有落牛奶, 不對我的口味, 所以一直都無試.
既然兩個節目都有推介, 屋企人又有興趣, 就揀了去動物園那天, 試下呢間蟹專門店. 三種口味我們都有叫, 呢間蟹的價錢是每公斤星紙三十八元, 比起無招牌平兩元一公斤, 但蟹就唔夠無招牌的蟹大隻.
蟹湯米粉, 蟹湯的蟹味超濃郁, 非常鮮甜, 米粉很入味, 屋企人食到停不了, 我就詢眾要求下試了一小啖, 的確蟹味特濃, 我估他們用了很多蟹來煲上湯, 至可以有呢個效果! 而且只要加三元就可加蟹湯, 加三元又可加米粉, 超抵, 就算吃不到這麼多, 都應該加湯, 三元一大碗, 打包回家煮米粉或麵都唔錯!
黑胡椒蟹很香很惹味, 不錯, 如果吃不到辣的可要求小辣. 和炸曼頭一起吃, 很夾, 他們的曼頭是即炸的, 4元十個!
反而電視節目形容牛油蟹的牛油味很香, 很鮮味, 不可不試, 但是我屋企人就覺得牛油味不夠香濃, 好味但未算是人間極品!
呢間舖頭相當巴閉, 每天營業時間是下午五時至晚上十一時, 只有星期一至星期四可以訂位, 星期五至星期日就先到先有位, 有些網友話試過星期五晚去, 要等個幾鐘頭先有位, 再要等約一個鐘頭至有蟹食! 他們是有分店的, 不過我們忠於原著, 去了總店.
有一點很奇怪的, 就是它的餐牌是沒有價錢的, 侍應話因為他們的食物分了幾個size, 有唔同價錢! 其實很多食店都有不同size的食物供人選擇, 但都會在餐牌明碼實價, 當天我們下午五時多已經吃呢餐早晚餐, 肚裡沒有空間叫其他食物, 所以不知道其他食品是否和蟹一樣抵食呢!
宏茂橋龍海鮮螃蟹王 Mellben Seafood
Block 232, Ang Mo Kio Ave 3
#01-1222
Tel : 6285 6762
營業時間 : 17:00 - 23:00
No comments:
Post a Comment