文達街-Makansutra Gluttons Bay @ 新加坡

上個星期日, 食了一碟好新鮮的螄蚶, 地點是”榴槤頭”附近的Makansutra Gluttons Bay 露天熟食中心的文達街．　

負責落單的亞哥問我，要全熟定是半熟，我最怕他這樣問我，好多人都知未熟的螄蚶好吃過全熟的螄蚶，但始終螄蚶是貝殼類，未熟好似有些危險，好難決擇呀，最好他不要問我，幫我決定就算啦！

於是我就拋番個波俾他，我問他，邊樣好Ｄ？他話半熟好Ｄ，咁我就話要半熟啦！但我呢Ｄ怕死的人，船頭驚鬼船尾驚賊，俾緊錢的時候，就想改變主意，同亞哥講，都係要半熟多d d呀，佢俾我嚇親，吓，半熟多d d？　佢實係覺得我好麻煩啦！　

結果，佢無令我們失望，半熟多d d的螄蚶無血流，但又唔會太熟，非常新鮮，非常鮮甜，好吃！