曼谷自由行 Day 2 - Central Food Loft

2010年 2 月 20 日
每次去曼谷, 我地既目的都係好簡單, 只係輕輕鬆鬆休息下, 食下好味既野, 做下按摩, 住下靚酒店, 行下街, 觀光就絕對唔會, 所以唔駛好著意行程既安排, 只需做下簡單既功課, 找些美食地方同好既酒店就可以了.
Chit Lom 既 Central 百貨公司係必去既地方, 今次去shopping 仲咁啱有八折添, 除左shopping 外, 佢既 Food Loft 都唔錯, 雖然價錢貴過一般既Food Court, 不過選擇多d, 環境舒適d, 服務好d.

午餐我地食左: 越式牛肉湯河 x 3, 香葉好齊, 牛肉湯都幾香, 只係略為甜了少少, 加點魚露辣椒都好好.

炒粿條 x 1, 即係炒河粉, 即叫即炒, 好有鑊氣, 河粉好滑, 都唔錯.

期待已久既芒果糯米飯 x 2, 芒果甜得黎有少少酸, 但糯米飯好軟熟, 我無再加椰汁喇, 因為芒果加糯米飯已經好好味了.

凱撒沙拉 x 2, 我無食, 但聽講用料新鮮, 味道都得.

黑朱古力蛋糕 x 1, 都幾好.

 
Central Department Store
BTS 站 : Chit Lom 

曼谷自由行 - Pullman Hotel

今次曼谷自由行, 去六日五晚, 住兩間酒店, 頭兩晚住Pullman Hotel, 之後三晚住 Grande centre Point.
Pullman Hotel地點唔算好方便, 不過酒店有tuk-tuk接駁BTS, 所以都ok, 而且房間好新好型, 服務好, 早餐都好得, 所以都好受香港人歡迎.

曼谷自由行 Day 1 - 姐鵝 Je Ngor

2010 年 2 月 19 日

係香港, 過年呢幾日, 實在凍得有點出乎意料, 一日凍過一日, 初六市區竟然得番八度, 係我地既曼谷自由行之前等極都未回暖, 令到今次曼谷之旅, 變成避寒之旅, 由 八度飛去三十多度既地方.

今次訂唔到國泰上午機, 只可以下午二時半至出發, 去到曼谷都已經係當地時間四點半,  攪好入境手續都已經五點半, 曼谷既的士絕大部分都係四人的士, 我地一行五人, 唔想分兩部的士, 去問下機場Limousine, 嘩, 要收泰幣1,200, 太貴了, 去搭的士, 要求大部的士, 原來都可以, 價錢係泰幣700, 都ok喎, 雖然價錢同兩部的士差不多, 但可以一齊, 而且定左個價錢, 個司機好進取, 盡量避開塞車既地方, 行最快既路, 好有效率.

去到酒店 check-in 時, 即刻搵埋酒店職員幫我地打電話去姐鵝訂位, 因為好掛住佢既胡椒蟹, 冬陰功, 生蝦, 粉絲蝦煲.

食完飯, 我地仲去左附近既 SiRi 做按摩.

Siri 既位置係 Imperial Queen's Park Hotel 斜對面, 最近既 BTS 站係 Phrom Phong

鳳城酒家 @ 香港

每逢初三, 我地一班好朋友都會團拜, 但今年有好幾位朋友出外旅遊, 所以沒有日間活動, 但仍然有晚飯聚會, 今次飯局定在旺角鳳城酒家, 呢間鳳城新開無耐, 裝修華麗堂皇, 但食物就一些好一些普通喇, 不過一大班朋友一齊, 嘻嘻哈哈, 開開心心, 令食物都加左些分數.
蝦多士.

咕嚕肉.

招牌生腸.

雞湯翅.

炸子雞.

炒魚卷.

魚湯浸時蔬

野雞卷配炒鮮奶.

薑蔥魚頭煲.

焗西米布甸.

飯局之前, 早左去到旺角, 逛街之餘都不忘掃下街.