鯉魚門海鮮 @ 香港

今日安排了搭最早班機返香港, 我一直都以為是早上8時50分起飛, 打算7時05分由屋企出發, 約7時35分到機場辦手續, 好鬆動啦, 怎知道, 6時55分在家作最後收拾的時候, 突然至發覺原來我們坐的飛機是8時30分起飛!

死喇! 我仲未換衫的, 老公即刻打電話叫的士, 我就換衫化妝, 終於我們在7時10分上了的士, 有些擔心唔知道20分鐘去唔去得到機場呢 ?  如果遲過7時半至去到, 航空公司會唔會唔同我們辦check-in 架? 

我已經約好哂今日的節目, 我唔想改呀, 點解我會咁論盡呢?  搭飛機的安排, 係我部門負責, 問責制下, 我要唔要辭職呢?

好在, 最終我們趕得切在7點半去到櫃位, 順利上到飛機, 只是受到颱風後的雨帶影響, 遲了十分鐘到香港, 已經覺得好好彩了!  下次我要小心d 啦!

返到香港, 行程緊湊, 放底行李後, 就去了食譚仔米線, 然後去了九龍城買明天家庭聚會的美食, 跟住就去了朋友的生日聚會, 麻雀耍樂一番, 傾計吹水完後, 重頭戲就是到鯉魚門食海鮮!

掛住食, 唔記得影海鮮湯, 蒜蓉蒸桂花蚌, 差點兒每人一隻的蒸鮑魚都唔記得影.

 

鯉魚門

海皇園林酒家

鯉魚門海傍道中39號

 

山頭火 @ 新加坡

山頭火是來自北海道的連鎖拉麵店，招牌貨是白豬骨湯底及豬頸肉的叉燒.

湯底可以選醬油, 麵豉, 鹽味, 同埋好似仲有辣味, 我試過麵豉和鹽味, 我覺得鹽味湯底好味, 好似東京的博多天神拉麵, 好有豬味, 如果叫其他味道會蓋過了豬骨味, 有點浪費!  不好的地方是油多了一些, 吃完有點膩!

而麵的質地都幾好!

叫套餐是跟細碗麵, 如果要原裝size, 加一元就可以, 我梗係要大碗啦, 唔蝕底, 不過食完真係好飽呢! 超滿足!

义燒飯, 好吃!

之前套餐是跟糖心蛋, 而家改左係沙拉, 健康些!

Ramen Santouka
6 Eu Tong Sen Street
02-76 The Central
Singapore

Tel: 6224 0668
Business Hours: 11.00 - 22:00

白吐司 - Take 2

經過第一次天然麵包香 - 白吐司之後, 請教了仙姐, 仙姐很好人, 很快就指點了我 (thank you!):

仙姐話見我個包都發得好好, YEAST 應該無問題. 問題係係包嘅組織粗糙, 即係話搓得未夠, 麵筋,未搓出嚟, 做唔到麵包嘅綿密.  用手搓可以再減水. 我只減了4%, 或者試減5-8%啦.


好開心有高人指點, 昨天做了中種, 今日又可以再試!

聽話減足8%水, 真係易搓好多, 其實個麵糰都濕, 要用橡皮刮刀幫忙, 先搓得到, 前前後後都攪了差不多二十分鐘!

今次麵包外型和第一次好似, 好心急想知麵包的組織有無細密些, 不過要等到麵包完全放涼才切,

好似有些進步 .. . . . . .

老公很捧場, 在吃飽了飯的狀態下都吃了一片, 還說" 好食"!  有高人指點, 真係不同d, 我知今次其實都未算好好, 希望下次可以再好d!

係時候應該正正經經買番一個吐司模, 黎緊星期六返香港, 又有藉口四處shopping啦!

肉鬆卷蛋

又想練習做卷蛋, 不過唔想做紅豆, 但又無其他餡料, 只有肉鬆, 就試下用它, 結果發覺肉鬆並不適合做卷蛋餡, 因為肉鬆好難切斷, 令到做出來的製成品唔靚, 加上卷得不夠實, 太鬆散了! 影相時要左遮奇掩至無咁醜樣!

今次換了一個8吋 x 12吋, 大一點的盤, 竟然可以容納得到整份麵糊!

呢款肉鬆太過一絲絲, 好難切斷, 唔會有下次!

今次拍了一個video, 看得出仲有點雞手鴨腳, 不過好彩個面都無整爛.

天然麵包香 - 白吐司

我亞嫂好體貼, 知我有興趣做包, 但又不在香港, 買不到獨角仙那本"天然麵包香", 所以她在香港買了給我, 昨日終於攞到手啦!  即刻要試做最基本的白吐司.

先搓中種

發了十七小時的中種

搓主麵糰和加入中種, 好濕好難處理, 根本無辦法滾圓!

進行完第一次發酵

掛氣, 靜止, 造型後, 正進行第二次發酵, 我未買吐司模, 用了一個矽膠蛋糕模, 造型造得很參差很醜怪!

第二次發酵發酵完.

用了180度焗了三十五分鐘, 入爐後沒有再發大了!

高度不一!

樣貌雖然醜怪了些, 始終都只是我做的第一個吐司, 我覺得它有點可愛, 原先只是一堆麵粉, 水, 酵母 .... 它的變化真的不是我有辦法可以控制!

切得唔靚, 我的 "To buy list" 看來都不能慳得一把 "麵包刀"!

麵包的質地都好軟熟, 但就不夠細密, 唔知可以保持幾多日呢! 要來配朱古力榛子醬都幾好味!

紅豆包 Anpan

好耐無搓包, 見到網友愛美麗搓了漂亮的紅豆包和吞拿魚包, 仲要將牛油改了用橄欖油, 雖然我未有興趣試麥色包, 但都要參考她的食譜, 來做一轉紅豆包和肉鬆包:

食譜:

高筋粉　135g

低筋粉　  15g

速酵母  　  2g

糖　          20g

鹽　            2g

低脂奶粉    4g 水　          80g

橄欖油  　13g

蛋汁          15g

紅豆蓉  適量 豬肉鬆  適量

1. 勻合所有材料, 搓至滑身, 第一次室温發酵60mins
2. 分割 (6份)、滾圓, 靜止20~30mins
3. 做型包餡料, 第二次室温發酵40mins
4. 預熱焗爐210度, 掃蛋汁, 焗12~14mins至有香味, 便成

焗完即食, 比較鬆軟, 凍左的麵包織地就有些 "un"! 可能又係我的技術問題

沒有牛油的腰果曲奇

今次純粹抱著一試無妨的心態來做的, 明知不會特別喜歡, 因為一向都無餅癮，對餅乾唔大興趣, 只是想知沒有牛油的曲奇會是什麼的一回事呢?

似做實驗多過想做美食!  記得餅神Vanlily介紹過一個橄欖油杏仁曲奇, 我將杏仁改做腰果及減少所有材料的份量, 做細份些!

食譜

蛋白 20g

低筋粉 44g

泡打粉 1g

橄欖油 20g

糖粉 14g

腰果 適量

1) 蛋白加入糖粉拌勻, 加入橄欖油

2) 篩入低筋粉和泡打粉, 以切伴方法拌勻 (不要搞伴過度, 否則曲奇會un)

3) 唧出麵糊後, 放上腰果 (大力d按入些, 因為有油, 焗好後腰果好易跌出來) 4) 170c焗約10mins或至金黃色

將粉類拌入後, 好油, d橄欖油好快滲返出黎, 有些恐怖!

食落, 都算脆, 有點似合桃酥, 但有點梗, 可能我應該將d曲奇唧得薄一些, 就會好d!