XO 肉脞麵 @ 新加坡

不要睇少呢碗看似平平無其的麵, 它的名字叫肉脞麵 (Bak Chor Mee), 是新加坡熟食中心差不多必有的美食之一, 可以是湯可以是乾撈, 我說的是乾的.

呢個麵既精髓是撈麵的醬汁, 一定要有的是豬油, 其次是鎮江醋, 辣椒醬, 預先炆好的冬菇汁, 有些食店會落茄汁, 加了豬油的麵當然好香好吸引, 而且呢幾樣野撈埋又真係幾好味喎!

至於配料方面, 非常多元化, 可以有豬肉碎, 豬肉丸, 豬肉片, 魚蛋, 魚片, 冬菇片, 豬油渣, 芽菜, 水餃, 魚皮餃, 炸雲吞和豬膶, 視乎每間食店走既路線, 提供唔同既配料.

麵條可選粗麵 (新加坡人叫麵薄), 幼麵, 粿條 (河粉), 米粉，我覺得麵薄最好吃!

新加坡很多麵檔的豬肉丸都很好吃, 雖然細細粒,但都很爽口彈牙, 加上很香濃的大地魚味, 每碗肉脞麵都只得一粒, 實在唔夠, 所以很多時,我都會揀香菇肉丸肉脞麵, 唔要豬肉碎, 魚蛋, 魚片等等.

在Newton Food Centre有一檔叫做 XO 肉脞麵, 他們的辣椒醬做得很不錯, 聽說是加了XO醬炒成, 連帶他們的肉脞麵都很好吃, 豬肉丸都好好味, 而且食客可要求加麵, 不另收費, 不過他們的叻沙就普普通通罷了!  他們是24小時營業的, 想幾時食都得!

順帶提一提, Newton Food Centre是一個好出名的熟食中心, 在Newton Circus附近, 好近烏節路, 很多遊客都會來, 有很多食檔日間不營業, 黃昏至開檔, 很夜才收工, 食宵夜最啱, 不過很多當地人都不太喜歡 Newton Food Centre, 因為呢度有很多食魔鬼魚,胡椒蟹 , 大蝦既海鮮檔, 收費比較貴, 有d人覺得是呃遊客, 而我試過呢度d 獅蛤兩次, 兩次都唔新鮮, 所以我覺得係呢度食下普通宵夜都ok.

XO 肉脞麵
Newton Food Centre
#01-10
Opening hours: 24 hours

威利大蝦麵 @ 新加坡

上幾日，寫完篇”細數新加坡美食”，至發現我漏了新加坡蝦麵，今日睇Asian Food Channel介紹蝦麵，其中有一間係威利大蝦麵 ，巧合地在我屋企附近，其實他有一間分店在Old Airport Road Food Court, 我之前已經試過，我覺得ok, 但未算好特別，不知是不是因為在Old Airport Road Food Court太多美食，而令到呢個大蝦麵變得不起眼！

既然電視節目介紹到，今日午餐就去試一試．　

我要了大蝦排骨麵和自家製檸檬茶，其實蝦並不算大隻，但很新鮮，湯很濃郁鮮甜，新加坡蝦麵最重要是個蝦湯，通常蝦麵店都係用油麵，而呢間可以自己選擇，我就揀左粗麵．

我覺得呢間比起Old Airport Road Food Court分店好味，做得比較認真，我仲特登臨走前飲多啖湯，試下會唔會好快口渴，結果竟然我行街行了個幾鐘頭，都唔駛飲水，厲害！

呢碗是之前在Old Airport Road Foodcourt食的．

273 Thomson Road
#01-03A Novena Ville
7am - 10pm

戚風蛋糕同泡打粉說再見

連續兩天都是焗班蘭葉戚風蛋糕, 點解? 

因為焗完第一個之後, 看到香港新聞有一篇報導香港食物安全中心最新研究發現，香港市面的中式馬拉糕、西式班戟、鬆餅，海蜇等食品, 含鋁偏高, 鋁為常用食物添加劑，不少用於烘焙食物的泡打粉也含鋁, 但人類吸取過多鋁, 會影響健康, 雖然鋁在日常環境天然存在，連食水也有鋁，但是都是少吃為妙.

我用開的戚風蛋糕食譜是有包含泡打粉, 之前一直都想慢慢減少泡打粉, 看過上面的新聞後, 更加的起心肝試焗沒有泡打粉的戚風蛋糕, 下面是改了的食譜:

材料　（１７ｃｍ戚風蛋糕模）

蛋黃 50g  (45g -> 50g)
砂糖A 40g (42g -> 4g)
沙拉油 27g (28g -> 27g)
泡打粉　0ｇ (4g -> 0)
低筋面粉 65g
蛋白 140g (90g -> 140g)
砂糖B 28g
班蘭汁 50g (48g -> 50g)
檸檬汁 1/4 茶匙

1) 班蘭汁: 將６條新鮮班蘭葉剪碎，加約60g 暖水入攪拌機攪至碎爛 ，之後隔渣，班蘭汁要用熱水加熱至會出味
 
2) 蛋黃加砂糖A用手動打蛋器混合 （不可以打至發泡，如果打至白色，會使蛋的風味減低) , 加入沙拉油, 班蘭汁拌勻, 篩入粉類混合。

3) 蛋白和砂糖B,檸檬汁打發至企身結實, 和1)混合 (分兩次，不要令蛋白糖霜泡泡消失), 倒入17cm模內180度焗23分鐘, 不要即刻取出, 待5至10分鐘, 取出倒扣至涼或過一晚脫模。

焗的時候, 脹高過平時用泡打粉一吋有多, 倒扣收縮後, 仍然高了約 1 cm, 倒模後有點企不穩, 坐低了一點, 高度變得和有泡打粉的一樣, 賣相差了少少, 可能是加多了蛋白和水的份量, 不過好彩蛋糕依然很鬆軟, 口感無問題. 

左邊是有泡打粉, 比較挺身, 右邊是無泡打粉, 企唔直, 下次試落120g蛋白,看看會不會好點.

以下個video可以睇到無泡打粉的戚風有幾鬆軟．



小意外一宗: 做完第一個班蘭戚風，覺得唔夠綠色，打算做無泡打粉的戚風時加多一點班蘭葉來做班蘭葉汁，怎知道我竟然跣手，倒了大半份班蘭葉汁，可惜雪柜又唔夠班蘭葉，做唔返一樣既汁，所以第二個仲淺色個之前那個！

選記沙爹王 @新加坡

在新加坡, 最出名食沙爹的地方就是老巴剎 Lau Pa Sat Festival Market, 老巴剎是由一個很漂亮的舊車站改建, 是國家級的歷史遺址, 晚間在老巴剎的外圍, 有十多檔專賣沙爹, 當有人行過時, 他們都會熱烈推介他們的沙爹, 差點兒想用手拉你埋去, 雖然他們職責所在, 但其實都有點煩人呢!

那裡的沙爹有牛肉, 雞肉,羊肉, 但就沒有一檔賣豬肉, 我個人認為豬肉沙爹有豬肉油香, 比較美味!

有新加坡網友介紹在Old Airport Road Foodcourt 的選記沙爹王.

選記的豬肉沙爹很出名, 網友話選記用豬腩肉, 但我們試過, 他們的豬肉沙爹好味, 只是並不是豬腩肉, 而是將兩件較瘦的肉中間夾了一件肥豬肉, 平時我都食到肥肉, 但呢個實在太肥太爽了, 所以我只是食頭尾的瘦肉, 不過無可否認, 加了肥豬肉一起燒的沙爹, 特別香, 特別吸引!

他們的沙爹醬做得很好味, 除了平時的材料外, 還加入了菠蘿蓉, 所以配搭這麼油膩的肉, 吃多一點都無問題.

選記最不好的地方, 就是要等好耐, 閒閒地要等半小時, 因為太多人幫襯! 唔好睇少他們在一個不起眼的Food Centre, 其實他們都攞過唔少獎!

選記沙爹王
Chuan Kee Satay
Old Airport Road Food Centre
#01-85
6pm until sold out around 10pm
Closed Mon and Thurs
Sunday opened at 1pm

健柏水粿 @ 新加坡

水粿 Chwee Kueh　是一樣非常簡單的食物, 只是由米粉 (rice flour)和水蒸成的糕點,加上炒過的菜脯,吃得辣的就加埋辣椒醬, 就這麼簡單，在foodcourt 或 hawker centre, 有些食店只賣這款食品，通常價錢是一元星紙４件水粿．

在初期來到新加坡時，試過在foodcourt 吃午餐時，見到有人買了６件或８件水粿當午餐來吃，食得津津有味，當時我覺得未免太寡了吧，一直都無興趣嘗試！

後來見到有網友介紹中峇魯市場的健柏水粿 ，趁去開那裡食飯，即管俾個機會自己試一試，咦，又得喎！水粿很軟滑，菜脯很香很好味，加埋辣椒醬，很惹味，食完一啖就想食第二啖！不好的是比較多油．

之後試過其他店的水粿，味道都及不上健柏，我覺得健柏做的菜脯最好味！

順帶一提，中峇魯市場有不少好味的食店，都值得專程去揾食呢！


Jian Bo Shui Kueh
Tiong Bahru Market
#02-05
6.30am to 11pm daily

細數新加坡美食

新加坡多美食, 多得有點花多眼亂, 究竟有什麼是必食的呢 ?

有一個美食網 makansutra 推介了十大新加坡美食和每樣食品的推介食店:

1. 辣椒蟹 Chilli Crab
2. 海南雞飯 Chicken Rice

3. 沙爹 Satay
4. 肉骨茶 Bak Kut Teh
5. 羅o惹 Rojak
6. 叻沙 Laksa
7. 咖哩魚頭 Fish Head Curry
8. 炒粿條 Char Kway Teow

9. 印度煎餅 Roti Prata
10. 菜頭粿 Carrot Cake

有些推介的食店和我的心水一樣, 而且我都認同如果來得新加坡玩, 就不要錯過機會要盡力試勻這些美食, 只是有些口味就未必人人接受, 例如咖哩魚頭是印度做法, 可能落了很多羅望子, 所以比較酸, 吃不到很鮮味.

另外, 我覺得還有其他美食都很特別, 都不應該錯過, 下面是我的推介:

1. 白胡椒蟹 White Pepper Crab / 辣椒蟹 Chilli Crab

2. 海南雞飯 Chicken Rice
3. 叻沙 Laksa

4. 蟹米粉 Crab Bee Hoon

5. 福建炒蝦麵 Hokkien Mee

6. 肉脞麵 Bak Chor Mee

7. 羅o惹 Rojak
8. 炒粿條 Char Kway Teow

9. 紅毛榴槤汁 Soursop Juice
10. 肉骨茶 Bak Kut Teh
11. 咖央多士 Kaya Toast
12. 咖哩卜 Curry Puff
13. 槟城炒粿條 Penang Char Kway Teow

14. 沙爹 Satay
15. 水粿 Chwee Kueh

16. 菜頭粿 Carrot Cake

17. 印度煎餅 Roti Prata
18. 咖哩魚頭 Fish Head Curry

La Bons Brasserie @香港

呢間餐廳係我家姐介紹給我的, 而她是為了找尋美味的意粉和心太軟朱古力蛋糕, 在OpenRice 尋找出來的, 在OpenRice的食評中有超過120個笑臉, 不簡單!  雖然它都擁有30多個喊臉, 但多不屬於它的拿手意粉和心太軟朱古力蛋糕..

La Bons Brasserie 前身是 La Bons Cafe, 位於灣仔船街地舖, 最近才搬了家，地方大了, 但價錢依然大眾化, 招牌的心太軟朱古力蛋糕只是二十多元, 好味的欖油蒜片煙肉野菌炒意粉都只是七十多元.

其實La Bons 還有些改善空間, 例如不需要增加太多成本下加些Basil Leave / 指天椒為意粉加多些風味, 一點都不難, 只是可能他們未有為意.  不過以他們的收費, 做到呢個水準, 若果不是要求非常寧靜的環境, La Bons 已經做得不錯了.



香港灣仔
皇后大道東222號GardenEast 2樓全層
Tel: 2527 1768

重要的時刻

今天是一個重要的日子, 香港時間晚上9時43分是一個重要的時刻, 曼聯取得第十八次英超冠軍, 與利物浦的陳年紀錄看齊, 曼聯在過去十七年內取了十一次冠軍, 而且今年仲係連續三年冠軍呀!

今晚係主場完成了對阿仙奴的賽事,就確定了曼聯成為冠軍, 可以在主場舉行頒獎禮和慶祝party, 不單止曼聯球迷可以感受現場氣氛, 球員們帶來了老婆仔女一齊參與，場面真係溫馨到不得了!

 

Vanilla Gâteau

一位住在倫敦的好朋友, 非常細心, 知道我不喜歡牛油及牛奶, 幫我找到了好幾個蛋糕食譜, 是不用下這些奶類製品, 而且她還教了我做肉桂糖和雲呢拿糖, 我當然不會浪費她的心機, 昨天買了香草莢 (Vanilla Pod)做了雲呢拿糖, 好香, 味道和一般Vanilla Extract 好唔同.

雲呢拿糖：
香草莢１支，切開, 刮出雲呢籽, 混入16湯匙砂糖, 再將香草莢一齊放入玻璃樽內．

今日試做 Vanilla Gâteau, 製作方法不算複雜, 有點似戚風蛋糕, 不過因為無相片參考, 所以其實我都唔知製成品應該是什麼樣子,根據食譜形容, Vanilla Gâteau 是一個介乎海綿蛋糕和天使蛋糕.

材料　（原食譜是用９吋蛋糕模，我用了6吋蛋糕模，所以份量減少了一半）
蛋黃 2 個
雲呢拿砂糖 A 65g
自發面粉 70g
蛋白 3 個
雲呢拿砂糖 B 30g
水 22ml
鹽 少許
雲呢拿砂糖 C　 1 茶匙

（雲呢拿砂糖原份量是125g, 為怕太甜，所以減至95g)

1) 蛋黃加砂糖A加水用電動打蛋器混合至蛋醬轉杰及淡黃色, 篩入面粉混合。
2) 蛋白和鹽打發至泡沫狀及白色, 加入砂糖B,打至企身結實,
3) 將1/4 的 2) 和1)混合, 然後將餘下的 2) 加入輕力混合, 不要令蛋白糖霜泡泡消失,
4) 蛋糕模以菜油噴匀，將３）倒入模內，灑砂糖C在面糊上，180度焗2５分鐘, 倒扣至涼脫模。

外貌有點似紙杯蛋糕，黑色點點是雲呢籽，面頭有層脆脆，蛋糕鬆軟，甜度剛剛好，只是有點濕，好味啊！

這個蛋糕雖然沒有油份, 但蛋糕的質地都不乾，可能是因為有足夠的糖份, 較多的蛋白和用了自發粉吧！