蟹宴 - 大閘蟹, 重皮蟹, 長腳蟹

今晚齊集在二家姐家裡食超豪蟹宴, 點豪法, 一餐食三種不同品種的蟹, 每種都有各自獨特的性格, 實在機會難逢, 而且除了蟹之外, 仲有好多美食.
八兩重既大閘蟹公.

脹卜卜既重皮蟹.

肥嘟嘟既長腳蟹.

首先出場的是重皮蟹, 秋冬時分, 就係他們當造的時候, 二家姐拿手的鹽焗重皮蟹, 大大隻,  膏香肉鮮, 很好味.

跟著出場既係八兩重既大閘蟹公, 斤兩十足, d 蟹膏多到, 睇下, 非常有睇頭, 食入口, 好鮮甜, 好'gel' 口, 簡直唔捨得吞, 我剩係鍾意食蟹公, 蟹乸d 膏太硬, 唔啱我.

至於長腳蟹就要黎同埋d 特登係九龍城買既肥牛煮日式麵豉湯烏冬, 又係為食之過, 顧住食, 無同d 製成品影相, 唯有睇下未煮前既相.
好靚既肥牛粒.

非常均勻的肥牛片.

呢碟厚d 既要黎煎既.

稻庭烏冬都係九龍城買既, 日本造, 超好吃, 滑溜溜,  唔係講笑.

  
其他美食包括檸檬香草烤雞, 皮脆肉嫩, 好吃.

秘製炆牛腩和烤排骨, 好味, 只可惜又無影相, 留番下次至出場.
酸子薑和酸青瓜, 又酸甜又爽脆, 呢個好重要, 要黎刺激食慾, 平衡番油膩感.

仲有好靚既 芥蘭同菜心.

當然唔少得甜品, 係Awfully Chocolate 買既黑朱古力蛋糕, 順帶為剛過了生日和就快生日的家人一齊唱生日歌, 開心下.

蛋糕都好濃朱古力味, 我覺得如果朱古力醬再多些就更好了.