蜂蜜蛋糕

好想食蜂蜜蛋糕, 又要大肆搜尋下網友既食譜同心得 .... 真係搵到喎!

今次好好彩找到網友 MC 既蜂蜜蛋糕, 呢個食譜好得架, 又無牛油, 又無牛奶, 太好啦! 唔該哂!

材料: (按比例減少左, 因為我個模唔係好大)

蛋 3 隻
糖 72g
鹽 3/4g
蜂蜜 30g
低粉 75g
菜油 11g

做法:

1) 蛋 + 糖 + 鹽 用快速打10-15mins 至奶白色並能起尖狀。
2) 把蜂蜜 逐少並分數次加入拌勻, 可防止沉底。
3) 低粉分數次篩入拌勻。
4) 再逐少把菜油 加入拌勻。  
5) 200'c焗5-8分鐘, 待上色後轉160'c焗約20分鐘至熟透, 放涼脫模便成。
我個模係矽膠, 因為我覺得佢有d 唔好既味道, 所以我加左塊牛油紙係個模上, 拿, 無經驗就真係無經驗, 無諗過加左牛油紙, 會令到個蛋糕唔靚仔! 睇下, 幾岩"參"

蛋糕既結構都幾好, 好鬆軟, 但係我切得佢好醜樣.

我好鍾意個味道, 食完成口都係蜜糖味 !

傑斯 - 你好叻呀!

傑斯贏得英格蘭球員先生殊榮, 呢個獎項係由"行內人仕"投票而來, 是一個相當有代表性既獎, 因為唔單止要贏得球迷既讚賞, 仲要得到專業既行家認同, 實在唔容易!

呢次係傑斯第一次攞呢個獎, 亦都係佢個人足球獎項最大既一次, 雖然係九二, 九三年獲得過英格蘭球員工會選為最佳年輕球員兩次，但之後都無攞到世界足球先生之類既獎, 唔係因為佢球技唔夠好, 係因為佢無d 好輝煌既國際賽成績支持佢.

傑斯一直都係效忠威爾斯, 而唔係英格蘭, 其實當時佢未代表過任何一個國家之前, 佢係有得選擇踼威爾斯國家隊或英格蘭國家隊, 最終佢揀左威爾斯, 呢個可算係佢自己同埋英格蘭既一個重大損失!  威爾斯靠佢一個好腳法, 始終唔能夠取得好成績, 而英格蘭呢十幾年一直都缺少了一個好既左翼, 如果英格蘭有傑斯, 世界杯都有機會攞到. 唔係講笑架!
 
希望傑斯繼續有好表現, 幫助到曼聯取得第十八次英超聯冠軍, 佢自己就攞到十一次, 襯返佢既球衣號碼 11 號 !

雖然係08年10月我地去英國親身睇曼聯比賽時, 我還未能夠同傑斯合照, 但我仲係覺得我係有機會夢想成真既, 唔知會唔會係今年曼聯亞洲行既時候做得到呢 ??

小比併

既然做左個新加坡特產班蘭戚風蛋糕, 有d 衝動買返件名店 Bengawan Solo 既班蘭戚風蛋糕, 來做個比較.

當然, 我好有自知之明, 我呢個初哥又點會比得上呢間擁有30年歷史既出名老店, 不過研究下有什麼地方可以改善下, 都唔錯!

外形

Bengawan Solo : 綠色好多, 蛋糕面焗得靚好多, 蛋糕面層啡色皮厚好多 (呢樣我老公話好重要, 因為蛋糕最好食既地方就是呢到)
 
 

口感

Bengawan Solo : 比較鬆軟, 比較有彈力.

香味


Bengawan Solo : 香味就較為遜色, 唔夠班蘭葉既香味.

味道

我做既好似甜少少, 因為Bengawan Solo 既嗒落有d 咸味.

OK, 下次再努力!

班蘭戚風

成功焗到咖啡大理石戚風蛋糕後, 好想試班蘭戚風.

見到好多blog 友焗得很漂亮, 很羨慕, 但是未買攪拌機, 整唔到班蘭汁, 唯有變身做採購部, 四出格價後找到呢部做特價, SGD39.9, 正!

集齊工具, 開工!

材料　（１７ｃｍ戚風蛋糕模）

蛋黃 4５g
砂糖A 42g
沙拉油 28g
泡打粉　4ｇ
低筋面粉 65g
蛋白 90g
砂糖B 28g
班蘭汁 48g
檸檬汁 1/4 茶匙

1) 班蘭汁: 將5條新鮮班蘭葉剪碎，加約55g 暖水入攪拌機攪至碎爛 ，之後隔渣，班蘭汁要用熱水加熱至會出味

2) 蛋黃加砂糖A用手動打蛋器混合 （不可以打至發泡，如果打至白色，會使蛋的風味減低) , 加入沙拉油, 班蘭汁拌勻, 篩入粉類混合。

3) 蛋白和砂糖B,檸檬汁打發至企身結實, 和1)混合 (分兩次，不要令蛋白糖霜泡泡消失), 倒入17cm模內180度焗23分鐘, 不要即刻取出, 待5至10分鐘, 取出倒扣至涼或過一晚脫模。

顏色方面似乎唔係好夠綠色, 下次要多點班蘭葉!

日式煎牛肋骨肉飯

原本今天係煮飯休息日, 但係行開超級市場時見到d 美國牛扒都幾靚, 不如今晚係屋企食飯, 之後又見到d 美國牛肋骨肉都幾得, 就決定整個豪華版既日式牛丼.

洋蔥用牛丼汁加水煮熟, 牛肋骨肉用少許橄欖油煎至八成熟加海鹽及黑胡椒, 蓋在白飯上.

簡單烚左d 生菜, 西芹, 甘荀做配菜.

總覺得香煎肥美既牛肉和白飯係絕配, 好味!!

天勺 @ 香港

之前太忙，呢篇係補寫４月頭既野！

每次返香港, 我家姐總會有唔同既理由, 要請我食好多餐飯，當中一定包括日本野, 今次雖然逗留既日子不多, 但都不能少左呢個節目.

以我地甘精打細算既性格, 食日本野食午餐就最著數, 好多時d 貴價日本餐廳都有提供超值既set lunch, 今次揀左銅鑼灣天勺．

訂位時，我地揀左坐Bar 枱，可以有雙重享受，唔單止有口褔，仲可以大飽眼褔，　午餐定食都有好款選擇，經過一輪細心挑選後，我兩都係揀剌身定食，每人可選兩款剌身唔要，共其他就由師傅決定，我地唔要魷魚和八爪魚．

嘩，有十五件刺身加雞蛋和蟹柳，睇住師傅切都已經很高興，食落口更不得了，吞拿魚好甘香，差不多有中拖羅既味道，油甘魚都好肥美，鯖魚好有濃郁既魚味，三文魚都好新鮮，呢個定食包括茶碗蛋，味噌湯，白飯，生果及漬物，都只是$110, 好味同好抵呀！

天勺
銅鑼灣
登龍街28號永光中心3樓

再戰法包

唔忿氣, 再要繼續整法包!

今次試下

1. 唔落老麵,
2. 加熱焗爐來發酵
3. 220度上下火, 放一盤水在爐下層, 製造一個蒸氣焗既環境
4. 焗時每5分鐘噴一次水

結果 ........

其實再一次係焗爐唔發大, 但係果樣好似得d 啦!

外面都好脆, 裡面都ok鬆軟啦!  收住貨先 !

欖菜肉碎四季豆

今晚煮左自己既拿手好菜 .......

哈哈, 有d 唔知醜添, 其實都無咩特別既,  呢個欖菜肉碎四季豆, 係我老公至愛既餸菜之一, 我好記得, 當我第一次煮俾佢食時, 佢竟然大讚, 平時佢好少主動讚d 食物好食, 我心諗, 原來甘容易就可以得到讚賞, 好喎, 呢個易煮呀!

其實我自己都好鍾意食呢個餸, 因為欖菜好惹味, 配飯最襯.

材料一眼看哂 :

最好用點魚露調味.

鍾情法包

一直都很鍾情於法包, 因為又唔需要落奶, 又唔要落牛油, 啱哂我.

而且曾經睇過blog 友綠萼焗既超靚法包, 非常羨慕, 好想自己有機會做到, 八成都好呀!

其實之前我都試過一次, 但係當時我無法包粉, 就用左高筋粉替代, 當然唔得啦, 外面好硬唔脆兼裡面好實唔鬆軟. 最後我地攞左去餵白鴿。

今次我係香港買左法包粉, 材料我就跟左法包粉既指示按比例減少做一次少d既份量, 同時想佢軟熟d, 就學埋綠萼加左老麵：

法包粉　25g
高粉 75g
水　66g
instant酵母　2g
老麵　30g

做法: (跟左綠萼既做法）　
1. 所有材料搓至麵糰光滑和不黏手，基本發酵45min至1hr, 發至2倍大，以手指測試為準
3. 排氣,把麵團分割成2份,滾圓,鬆弛10分鐘
4. 搓成長條狀
5. 再發酵約25分鐘, 發至2倍大.
6. 220度蒸氣焗約25分鐘.

出黎既成果都係普通咋, 我覺得第一次發酵ok, 第二次發酵就麻麻地, 入爐後就發都無發, 一樣size出返黎. 不過外面都脆, 只係裡面唔夠鬆軟, 已經好過上次. 點解入爐後唔發呢? 我已經好斯文對佢地, 入爐前無大力震過麵團喇!

第二朝我就噴水焗返脆佢加左沙丁魚洋蔥用黎做早餐, 都幾好味.

我都知法包是麵包中最難做得好的, 我係唔會放棄, 繼續努力!!!

泰式香草焗魚

係新加坡, 好難買到新鮮游水魚, 就算去街市, 絕大部份都已經瞓左覺, 好難食到鮮甜美味既魚, 唯有係煮時加多d健康既配料, 令到d 魚好味一點.

呢個係一個泰式做法, 因為加入左唔少香料, 所以很香.

材料:

鱸魚或烏頭一條 (洗淨, 在魚背與魚鰭間切一刀, 令到易熟d)
配料 : 南薑, 香茅, 檸檬葉, 乾蔥頭 / 洋蔥, 辣椒
調味料 : 黑椒, ,鹽, 魚露

做法:

1. 預熱焗爐180℃
2. 將魚放在錫紙上, 把配料放在魚底, 魚面及魚肚內, 加上調味料
3. 包好錫紙, 放入焗爐以180℃ 焗15-20分鐘.

食時如果唔夠味, 可隋意加魚露.

心太軟

近排睇電視Asian Food Channel, 好幾個節目不約而同都有整"心太軟"朱古力蛋糕, 其中一個廚師話, 唔需要落麵粉, 真係得?　

心思思又想試下焗, 如果識焗就發達啦, 以後幾時想食都得．

上網搵下食譜，最後揀左blog友Garfield既食譜：

材料   (改左少少) [做2個]
黑朱古力 (73%) 55g 
淡牛油          35g  (有blog友話試過減到呢個份量都得)
全蛋              1隻
蛋黃              1隻
麵粉              25g
糖                  35g

做法 :
1. 全蛋、蛋黃加糖打勻(像平時發蛋一般就得小小泡,不用使打發起)。
2. 朱古力+牛油隔水煮溶 ,離火後用手動發蛋器邊搞邊加入蛋漿拌勻。
3. 用手動發蛋器一邊搞一邊加入麵粉(分兩次)。
4. 將朱古力漿倒入模內,"登"平後放入雪櫃雪最小一小時。(雪耐點會好些,這樣沒有這麼容易變成普通蛋糕)  [入模前已在模內抺上牛油同少許麵粉, 方便倒出蛋糕]
5. 預熱180度, 焗約8分鐘。見表面成形即可(但若想要多一點的朱古力漿流出, 可以焗6分鐘即熄火, 待1分鐘後才取出)

第一次試焗一個先, 睇下咩環境, 我用左180度上下火, 放在爐既中層, 焗左8分鐘, 無咩動靜，朱古力漿依然係朱古力漿, 一d 都唔似蛋糕, 唯有開大d火至 200度, 上火加風扇, 放高一層, 焗左5分鐘, 外層似蛋糕喇, 可惜倒出黎既時候已經過熟, 竟然有d似 Brownie.

再試第二個, 200度, 上火加風扇, 第一層, 焗左7分鐘, 個蛋糕唔係發得好高, 加上我個蛋糕模又太闊, 好難取出, 攞到出黎已經列開左, 不過都有溜心既效果, 只係醜樣左d啦!

究竟應該點樣可以做好d 呢? ?？我諗要搵d高人指點指點!

玻璃曲奇

見到餅神 Vanlily 既"星星玻璃曲奇", 實在很羨慕, 很有衝動試做, 雖然覺得多數係好看多過好食, 不過都好想整, 好不容易才買到大小合適既星星模。



雖然呢個食譜既麵粉佔既比例都算多, 但印模都唔容易, 因為麵團好易軟身, 要好快手。

好在製成品都幾靚仔, 好滿意呢!




看真d, 其實我既星星模係有d唔對稱的!

食譜參考自餅神 Vanlily
===================

牛油 100g

糖粉 60g  (減至55g)

雞蛋 40g

低筋麵粉 200g

泡打粉 2g

鹽 2g

===================

1) 室溫放軟牛油, 加入糖粉及鹽打至鬆發

2) 逐少加入雞蛋, 直至蛋汁完全混入牛油糊

3) 篩入低筋麵粉及泡打粉, 以切伴方法伴勻,

4) 弄成糰後碌平, 放入凍格雪1小時以上, 取後, 用餅模印出曲奇 5) 以160c焗10分鐘後, 放果汁糖在曲奇中央, 再焗5分鐘至金黃色及糖溶

玻璃做法

Fox's 果汁糖 約15粒

1) 將果汁糖壓碎, 放在已焗了10分鐘既曲奇中央, 以160c焗5mins至金黃色及糖溶

2) 出爐後要等曲奇完全涼透便可取出

* 果汁糖可以不用壓得太碎, 否則會有很多汽泡的, 每粒果汁糖約分開一半就可以

* 曲奇可以印得厚一些, 效果會好一點

* 焗的中途, 留意每塊曲奇果汁糖的份量, 如果太少可以中途加上, 不要做到"穿""玻璃~

唔捨得食

呢件咖啡大理石戚風蛋糕係我今日既早餐, 係上兩日整既, 最後一件喇, 突然有d 唔捨得食添!

如果我唔食, 都會俾老公食埋架啦 . . . 

唯有下星期再焗過!

泰北辣雞湯

泰北辣雞湯係一個泰國北部傳統既食品, 係我地早兩年係香港九龍城同心泰國菜館食完學煮既, 識煮之後覺得自己煮得好食個佢, 因為係同心食, d 雞好細粒, 好骨, 無肉食, 自己煮就可以滑溜溜, 啖啖肉. 只要落齊香料, 其實都無咩難度.

其實呢個餸既精髓係香料既合奏,  南薑, 香茅, 檸檬葉, 刁草, 乾蔥頭, 蒜頭合奏出一個獨特既香味, 未煮前切好配料放係廚房, 成個廚房都會好香。

材料:

春雞一隻 (切件用糖,鹽,栗粉,魚露醃約3小時) , 草菇或鮮冬菇, 水瓜或勝瓜

配料A : 南薑, 香茅, 檸檬葉, 乾蔥頭, 蒜頭, 辣椒
配料B : 刁草
調味料 : 糖,鹽,栗粉,魚露, 雞粉(小半茶匙)
滾水 (約2-3碗, 視乎人數, 但不要過多, 否則湯味太淡)

做法:

1. 下油爆香配料A, 放雞炒香, 再放草菇或鮮冬菇炒片刻, 下魚露, 雞粉, 落滾水中火煮15 - 20分鐘至雞差不多熟
2. 落水瓜或勝瓜煮3-5分鐘, 下配料B, 試味/ 調味.

泰北人用糯米飯配呢個雞湯, 我覺得配白飯或米線都得.

咖啡大理石戚風

復活節假前整左個原味戚風蛋糕, 念念不忘, 但係假期同朋友去左聖淘沙度假, 無得開爐, 休息過後, 又想再黎戚風蛋糕.

照計今次只係我第二次焗蛋糕, 上次覺得自己控制得唔係好有把握, 今次都應該再整多一次原味, 但自己又好想試咖啡大理石, 死就死喇, 最多唔得就再黎過啦!

蛋白糖霜混合蛋黃麵糊後, 好似唔夠挺, 有d擔心添, 其實上次都係甘, 不過上次焗完後又ok喎.

哈哈! 今次都得, 好似都ok喎!

都幾好味同埋好鬆軟,


不過咖啡味唔夠濃! 下次可以落多d咖啡粉。

今次既食譜同上次既原味戚風一樣

只係多左咖啡粉2g同埋熱水3g, 混合後, 在蛋白糖霜混合蛋黃麵糊後慢慢加入, 大動作攪拌4 - 5次, 小心不要令雲石圖案散開。

Day 4 - 最後衝刺

今天係呢個trip既最後一天,朋友們下午一時多就要出發到機場，有見及小朋友非常鍾意游水，玩水滑梯同玩沙，所以決定吃過早餐就作最後衝刺,  不作其他安排．

其實揀呢間酒店係無錯既，見到小朋友玩得開心，不停要求再玩多次滑梯，咁有規模既水滑梯睇黎都係得呢間酒店有，小朋友開心，大朋友自然就開心！

不過呢間酒店有ｄ安排就真係麻麻地，原來係午飯時間，佢地只供應自助餐和room service, 沒有其他餐廳選擇，攪到我地想一齊食多餐飯都唔得，朋友們唯有到機場至食午飯，我地要提早講拜拜喇！ 嗚嗚嗚 . . .

Day 3 - Jumbo Seafood

今日晚飯主要係想食黑胡椒蟹, 呢樣無什麼心水餐廳, 之前四出咨詢下意見, 發現有d特別出名既比較遠, 又或是要好早去等位, 例如下午5時就要去到, 對於我地呢d 一拖大細, 就太麻煩了, 最後決定去左East Coast Seafood Centre, 然後揀間合眼緣既.

我地穩穩陣陣揀左間出名既Jumbo Seafood, 呢餐係今個旅程最後一餐晚餐, 當然要繼續豪食啦, 我地計劃要兩隻大蟹 (1.5kg以上), 幫我地落單既侍應竟然話, 今日佢地d 蟹比較細隻, 只有一隻大d, 其他都係1kg左右, 吓, 唔係嘛, 太細隻啦, 個陣時只係7點咋, 後來check 過厨房, 話只得兩隻各自係1.9kg既, 即要!

試過呢到既黑胡椒蟹後, 我覺得都好味, 但係我都係鍾意無招牌既白胡椒蟹多d!


Blk 1206 East Coast Parkway #01-07/08,
East Coast Seafood Centre, Singapore 449883
Tel: 6442-3435