巴東牛肉

早幾年儲起了一個頗認真的巴東牛肉食譜, 打算找時間試做, 但一直都忙, 之後食譜更失蹤了.

上幾個星期在伊勢丹買過幾好的牛展, 令到我又想番起自己煮巴東牛肉, 不過今次唔係自己做醬汁, 而係出貓在超市買現成的醬汁.

今天買到了牛展和醬汁, 醬汁的成份有黃豆油, 香茅, 椰醬, 藍姜, 紅蔥頭, 羅望子, 蒜頭, 紅糖, 姜, 鹽, 紅辣椒, 椰絲, 黃姜, 青檸葉等, 根據盒上指示, 只需加肉和醬汁煮就可以, 一盒醬配一磅肉, 所以我只用了大半盒醬和加了少許紅蔥頭和洋蔥.

做法:
1. 用中火在平底鑊炒醬料和洋蔥及紅蔥頭
2. 加入牛展, 炒三分鐘, 倒入1 杯清水. 
3. 加蓋燜煮10分鐘, 熄火焗10分鐘, 重複三至四次至牛展差不多淋.
4. 開蓋煮多20分鐘至汁收乾, 試味及調味.
可配白飯食用.
我覺得醬汁都幾香, 只是偏咸了些, 需要加些糖, 賣相都ok, 配飯好味.

 

泰式香草焗魚

係新加坡, 好難買到新鮮游水魚, 就算去街市, 絕大部份都已經瞓左覺, 好難食到鮮甜美味既魚, 唯有係煮時加多d健康既配料, 令到d 魚好味一點.

呢個係一個泰式做法, 因為加入左唔少香料, 所以很香.

材料:

鱸魚或烏頭一條 (洗淨, 在魚背與魚鰭間切一刀, 令到易熟d)
配料 : 南薑, 香茅, 檸檬葉, 乾蔥頭 / 洋蔥, 辣椒
調味料 : 黑椒, ,鹽, 魚露

做法:

1. 預熱焗爐180℃
2. 將魚放在錫紙上, 把配料放在魚底, 魚面及魚肚內, 加上調味料
3. 包好錫紙, 放入焗爐以180℃ 焗15-20分鐘.

食時如果唔夠味, 可隋意加魚露.

泰北辣雞湯

泰北辣雞湯係一個泰國北部傳統既食品, 係我地早兩年係香港九龍城同心泰國菜館食完學煮既, 識煮之後覺得自己煮得好食個佢, 因為係同心食, d 雞好細粒, 好骨, 無肉食, 自己煮就可以滑溜溜, 啖啖肉. 只要落齊香料, 其實都無咩難度.

其實呢個餸既精髓係香料既合奏,  南薑, 香茅, 檸檬葉, 刁草, 乾蔥頭, 蒜頭合奏出一個獨特既香味, 未煮前切好配料放係廚房, 成個廚房都會好香。

材料:

春雞一隻 (切件用糖,鹽,栗粉,魚露醃約3小時) , 草菇或鮮冬菇, 水瓜或勝瓜

配料A : 南薑, 香茅, 檸檬葉, 乾蔥頭, 蒜頭, 辣椒
配料B : 刁草
調味料 : 糖,鹽,栗粉,魚露, 雞粉(小半茶匙)
滾水 (約2-3碗, 視乎人數, 但不要過多, 否則湯味太淡)

做法:

1. 下油爆香配料A, 放雞炒香, 再放草菇或鮮冬菇炒片刻, 下魚露, 雞粉, 落滾水中火煮15 - 20分鐘至雞差不多熟
2. 落水瓜或勝瓜煮3-5分鐘, 下配料B, 試味/ 調味.

泰北人用糯米飯配呢個雞湯, 我覺得配白飯或米線都得.