上星期五, 心血來潮, 想食炒烏冬, 第一個反應係用雞肉炒, 但去到超市, 逛左兩個圈, 都無攞起一包雞肉, 因為實在心大心細, 如果買雞胸肉, 就最方便, 切走層皮加幾刀就成雞柳, 但我又嫌佢太鞋唔夠好食, 買現成起好骨既雞脾肉, 我又嫌佢有雪藏味兼肉質死實實, 最好味彈牙就係買新鮮雞脾, 自己起骨同起走皮同肥膏, 但我又太懶又嫌麻煩, 寧願花時間走訪左兩個超市, 睇下有無新發現, 結果無可施之下, 面對一大堆雞件下, 我突然諗起, 其實我可以用豬肉炒烏冬, 成件事就變得簡單好多, 因為我身處係伊勢丹超市, 佢地有切好左既豬肉片, 即係我平時用黎整
豚肉生薑燒個d, 實在太好喇.
之後我就將豬肉片當整豚肉生薑燒黎處理, 加埋椰菜, 洋蔥, 鮮冬菇, 蟹柳, 醬汁就用齊屋企有既醬油, 包括老抽, 生抽, 冷麵汁同日本豉油溝成, 結果效果唔錯, 竟然受到少少讚賞.
到今個星期一, 太多鎖碎事忙, 加上成個下晝都落雨, 到左五點幾都未買餸, 個心十五十六, 究竟煮唔煮飯呢? 個人就懶, 個心就唔想破例, 結果就諗出一招番兜多一次豚肉炒烏冬, 唔同既係豬肉片換成豬肉絲, 鮮冬菇換左磨菇加金菇.
原來炒烏冬真係好方便, 係懶人既好選擇.
上星期五個碟烏冬, 我明明有影相, 但搵極到搵唔到, 唔通我唔覺意洗左 ?
No comments:
Post a Comment