上堂學做包

一直都覺得自己做包既技術係有d問題,d 麵包好似發得唔夠人地個d 甘大,趁今次返香港,決定上下堂跟師傅學下做麵包先。

今次我想揀一個初級d既班,學下d基本技巧,因為我真係乜都唔識架.呢班係教整腸仔包同埋杏仁飽,每人都有一份材料落手做.

亞Sir俾既材料竟然包括麵包改良劑,好多同學都有好大反應,因為自己整麵包係唔想食添加劑,唔通亞Sir驚我地太水皮,想減低我地失敗既機會,唔緊要,反正我黎既主要目的都是想學方法。

上堂真係好,唔止有亞sir教、仲可以請教下d同學仔,班裡面有d同學好勁架,差唔多可以做Miss添.
我當然爭取時間問下困擾我好耐既問題喇, 亞Sir和同學仔都覺得係d 酵母問題,佢地建議我買d 真空包裝既酵母試試.
今次既收穫唔止學到好多野, 仲買左真空包裝既酵母同埋我一直好想整法飽既法飽粉, 真係好期待做到外脆內軟既法飽呢!