太平館 @ 香港

朝早飲完茶, 到銅鑼灣行街, 行到下午茶時間, 未有頭緒食咩野好, 媽咪話不如食魚仔餅, 所以向時代廣場方向進發, 行到白沙道附近, 諗起好耐之前食過一間叫天樂餐廳的瑞士汁炒牛河好味, 但發覺原來已經消失了, 再向前行就到了太平館, 於是決定試下原裝正版的瑞士汁炒牛河.
唔睇佢地既餐牌都唔知道原來太平館已經有差不多一百五十年歷史, 在香港營業都超過七十年, 唔簡單, 唔簡單!
平日的下午茶時間, 唔算好多人, 有六至七張檯客左右, 佢地都有下午茶餐供應, 我地就叫左兩個茶餐.
瑞士汁炒牛河, 都好味, 但未至於好味都會掛住佢.

燴牛脷意粉, 都ok, 好耐無食呢d 舊式餐廳既意粉, 當然唔可以期望意粉彈牙, 但都唔算太淋, 好有懷舊味道.

咖啡都ok.

 
太平館
香港銅鑼灣白沙道6號
Tel: 2576-9161