簡易免搓包

在網上又找到好食譜, 見到blog 友 MC介紹左一個超簡易免搓包, 再看其他連結, 原來數年前紐約時報介紹一個麵包店師傅公開自己既秘方, 有埋短片示範, 簡簡單單就做到帶有歐洲風味既麵包, 而且有好多網友都做過, 讚嘆不已!

呢個包既特點係, 用少量酵母, 多水份, 不用搓, 用18小時發酵,放入一個有蓋既煲來焗,製造出一個蒸氣烤焗效果, 做到外皮有薄脆, 內有軟熟既效果. 聽落同睇落都好吸引!

做呢個包之前最重要係有一個連蓋入得焗爐既煲, 例如鐵煲,

鋼煲, 康寧煲都得 (千萬不可有膠既配件).

材料:(我用了下面既一半材料)

高筋粉 200g, 鹽1/2+1/8tsp, Yeast 1/8tsp, 水 175g


 做法 :

1) 將所有材料混合後放進大碗內, 室溫發酵 18 小時後取出放上已灑高筋粉的檯上,
2) 用刮板將麵糰左右向內對摺 x 2次, 把收口向底放上焗爐紙上靜置 30分鐘,
3) 同時間把焗煱連蓋放進爐內, 並預熱至 230'C.
4) 利用焗爐紙把麵糰提起放進焗煱內並蓋好, 先焗 25分鐘,
5) 除去煱蓋後再繼續焗 10分鐘至金黃便成。

我做得不是太好, 內裡比較濕同"un", 唔知是不是我掛住每個鐘頭都影相而影響佢既發酵, 你第十個鐘時, 係我取走保鮮紙影過相後, 麵團就沒有再發大了, 而且我知道"對摺同收口"我都做得唔好, 要下次再試.
雖然未成功, 但看完一連串網友既網誌後, 對於蒸氣烤焗知多了很多, 希望對於之後再做法包有d幫助!