不倒翁中日火鍋料理 @ 香港

係香港, 唔少得打邊爐, 今次試左銅鑼灣既不倒翁中日火鍋料理, 好豐富呀.

金牌手切肥牛脊肉 (大碟), 都好大碟, 滿佈雪花, 肥瘦適中, 雖然唔算最淋身, 但肉味同質地都好得.

美國桶蠔 - 好大隻, 好有鮮甜蠔味.

田雞 - 肉質好滑, 好味.

日式野菜籃 - 配搭唔錯, 有唐生菜, 娃娃菜, 西洋菜, 金菇, 秀珍菇.

炸腐皮, 雖然黎到時, 唔係好脆, 但淥一淥, 包住xo醬加蔥粒, 加少少豉油就真係好好味.

炸芋件 - 芋頭好靚, 好粉.

我地叫左個涼瓜排骨湯底, 湯裡面的咸排骨都幾好味.

調味料唔算勁多款式, 不過基本既都有齊, 佢地既xo 醬好認真好好味.

我就加左蔥粒, 炸蒜蓉, 麻醬同少許辣椒油落豉油到 再加少許上湯, 好味.

呢到環境唔錯, 坐得舒服, 用料新鮮, 所以價錢唔平, 但佢地有做宵夜大優惠, 大部分火鍋料六折.

地址 :

銅鑼灣勿地臣街1號時代廣場食通天11樓1101號舖 電話 : 3102 9363