譚仔米線 @香港

呢間譚仔米線好得我屋企人既歡心, 我地幫襯左佢已經好多年, 差不多每個星期都想食, 佢主打係麻辣米線, 分大, 中, 小辣, 小辣其實都已經好辣, 不想太辣, 可以選 5 小辣 / 10小辣, 甘就溫和d, 要不辣, 選清湯都好好味.

雖然佢有好多分店, 但全部都係九龍, 我地覺得最好既係深水埗福榮街個間,  好多時真係特登坐大半個鐘頭車去食. 

我最愛既係腩肉腐皮墨丸5小辣 :

睇下, 幾大碗, 幾豐富, d 湯非常濃郁, 唔好以為麻辣個湯就一定紅色, 呢個唔紅, 但都已經幾辣, 雖然大碗, 我都可以食得哂!  而家睇到都好想食呀!