超頂角白吐司

估唔到, 我既第一個超頂角白吐司係回歸香港後做既第二個白吐司, 沒有期望, 竟然有意外驚喜, 可惜我調較焗爐溫度去220度時, 唔夠準確, 只係得 210度多d, 結果顏色唔夠靚仔.

麵包既質地同味道都唔錯, 好滿意!

下面呢個係返左香港後第一個白吐司, 顏色靚d, 但無咁頂角.

係香港想買無衣既花生做花生醬, 原來唔係咁容易, 因為大部分舖頭賣既花生都係有衣, 因為有衣既係香d, 但如果要逐粒去衣, 就太唔化算, 好彩上個星期俾我係灣仔一間雜貨舖搵到, 順利做到無添加既花生醬配白吐司.