曾經都試個另一個 Blog 友介紹做 Pizza 既食譜, 雖然個麵糰比較易控制, 但焗出黎個餅底既風味就真係唔及得上五分鐘歐式包既麵糰, 所以上兩天想做 Pizza, 我都係做番個五分鐘歐式包麵糰.
今次唔用 Baking Stone, 試下個新焗爐既焗盤, 因為個盤比較薄, 好易傳熱, 再係個焗盤上掃少少油, 希望都可以做到脆口既效果.
壓平左既薄餅底, 直接放係掃左油既焗盤上發酵, 因為技術有限, 真係無辦法做到個正圓餅底, 而且厚薄唔係好一致, 好醜樣!
今次用左超有益既三文魚做餡料, 加埋鮮磨菇, 洋蔥同青椒炒熟至焗, 效果唔錯.
加埋火腿, 蕃茄醬, 芝士同一定唔少得既菠蘿, 出爐喇!
趁熱食, 個餅底都幾脆, 不過放涼左就好快淋.
雖然掃左好少油係焗盤上, 其實個餅底都唔係好吸油, 睇下個焗盤, 仲有油留左係個盤到.
都幾滿意, 因為媽咪都話好味.
尋日, 見仲有材料係到, 就再焗多左個無芝士既.
雖然不及Pizza Hut 既鬆脆, 但做到一個健康既版本, 都唔錯.
No comments:
Post a Comment