Birthday Dinner - the Pump room

今日的生日飯, 要早一點吃, 因為英超聯今晚有打比大戰, 曼聯對曼城晚上八時半就開戰, 呢個係今日生既重頭節目, 不能錯過, 所以簡單選了在Clarke Quay 的 the Pump room 食西餐.

點了三款食物, 和牛肉眼配薯仔什菜, 炆牛尾配什菌薯蓉, 泰式炸雞翼, 我們竟然食唔哂, 要帶走三隻雞翼, 所以都沒有叫甜品了.

個和牛烤得好好, 我們要求medium, 肉的部份唔會太熟, 肥的部份又唔生, 好味!

The Pump Room @ Clarke Quay

3B River Valley Road,

The Foundry, Clarke Quay
#01-09/10,
Singapore 179021

Tel (65) 6334 2628

Happy Birthday

自從試焗蛋糕後, 就好想係老公既生日整一個 my dream cake 俾佢, 咖啡大理石戚風 + 栗子蓉夾心 + 朱古力醬淋面，簡直係一個夢幻組合!

不過以我這個沒有上堂, 又懶散沒有練習既人來說, 要做一個有裝飾既蛋糕又談何容易呢? 而且其實我係未識整朱古力醬和唔識淋面既技術, 看過書, 要識整朱古力醬多數都要落牛油加忌廉, 但我又唔想用忌廉.

最後, 又係攪得麻麻地, 因為我唔係用有窿既戚風模, 係倒扣既時侯, 個蛋糕好攪鬼,竟然自己脫左模跌左出黎, 攪到個蛋糕形狀走了樣唔靚, 其實都有諗過再做過, 但又覺得有點浪費.

栗子蓉夾心係自己整, 但是我無落忌廉, 而將蛋糕開邊加栗子蓉都算順利.

到了做朱古力醬時,自己決定用100g 黑朱古力加10g牛油, 結果個醬本身都ok, 只係我淋得唔靚仔, 加上個蛋糕外形"岩參", 就梗係有d醜樣啦 !

好彩個味道都ok ...其實都幾好味, 係我地鍾意既味道!

行雷閃電 @ 新加坡

新加坡時常行雷閃電, 我地都習慣了, 每天看天氣預測, 有邊日唔係話新加坡有雷暴, 但呢幾日唔知點解, 係午夜時份, 行雷閃電得非常厲害, 尋晚連我呢d咁懶訓既人都嘈得醒, 真係無野好講, 同埋無佢辦法, 嘈醒了, 有什麼好做, 我老公竟然攞架相機出黎影video.

又俾佢影到閃電既壯觀場面, 好似電腦特技效果, 不過雷聲就唔係收得好清楚, 記住留意第23秒及第35秒, 閃得真係好勁.