208 Duecento Otto 午餐

今天老公放假，可以和我食午飯，快快手完成今朝忙的工作，就得上網找點特別的，想有點新意，又想地方靚靚，又不要太遠，東挑西選後就敲定了208 Duecento Otto.

這間意大利餐廳有兩層樓，上層午餐是散叫，下層有bar lunch, 有幾款組合的選擇：

1. antipasti buffet $108 - 沙律，前菜，parma ham , 麵包任吃, 送一杯茶或咖啡
2. 選antipasti buffet 加pizza (四款選一款）$138
3. 選antipasti buffet 加pasta (四款選一款) $128
4. 只選 pasta $108

餐飲有很多款茶選擇，老公選了薄荷茶，我就選了蜜糖薑茶，茶是一壺壺上的，薄荷茶除了茶包還有很多新鮮薄荷葉，蜜糖薑茶有新鮮薑片，午餐的餐飲，都這麼考究，不得不加分呢！

原先我不想食得太heavy,只打算吃沙律前菜，老公就加pizza, 但又覺得來到意大利餐廳都不試試他們的意粉，就有點浪費，所以我就點了波士頓青口意粉.

呢個意粉好特別，口感比較粗糙，看真點，原來麵條是四方形，起角的，不是圓形，起初不慣，但又很有趣，雖然青口很細粒，但個醬汁很鮮味, 不錯！

老公就選了個最最最平實的margherita pizza, 只得茄醬，芝士同羅勒，呢款pizza在我們到意大利旅行時，見到最多父母點給小孩子食的，我當時覺得，唉，父母自己就大魚大肉，超豐富，小朋友就只得食這麼普通的pizza, 超可憐呀, 但見他們又食得很滋味, 可能只是我不識欣賞!

這裹的pizza都唔錯, 餅底好香!

這裏的設計，擺設，氣氛，食物及服務都很好，高高的樓底，感覺很舒服, 令人不想走，加上我的懶惰因子發作，真希望下午不用上班呀！

208 Duecento Otto
上環蘇豪荷李活道208號舖
2549 0208

Mon - Sat : 12:00-15:00; 19:00-00:00
Sun : 10:00-16:00

Sorriso Italian Cuisine - 海景生蠔 Brunch

很喜歡享受weekend brunch, 尤其是semi-buffet 半自助餐， 悠悠閒閒，慢慢嘆，不用過份的豐富，只要有好吃又對胃口的就夠了，吃午餐比起晚餐，又多點時間消化，感覺健康一點，吃多一點都不怕，又會少一點內咎感覺，哈哈！

看過別人的食評，Sorriso Italian Cuisine 的口碑不錯，食物質素高，環境舒服，今天為好朋友慶祝生日，就決定來試一試！
這裡有海景, 訂枱時要求窗邊位，天朗氣清，真爽！

自助前菜，選擇不算超豐富，但都不少，擺盤漂亮，我不止愛吃好味的食物，還愛看漂亮的食物，欣賞廚師的心思，不吃的，看看也好，加分！

重頭戲是即開新鮮生蠔，很新鮮爽甜，雖然要花點時間等待，但廚師逐隻即開那份誠意，又保證新鮮，值得的，我忍不住吃了六隻呢，超滿足！

每人可選主菜一款，龍蝦有三種煮法，烤，芝士焗，或配茄汁意粉. 還有蟹餅，煎牛仔肉同芝士意大利雲吞可選，侍應姐姐好好人，應我們的要求，幫我們問大㕑茄汁意粉可以轉 Aglio Olio 意粉，而且大廚又肯，不愧為意大利餐廳！我們一行六人就選了三份龍蝦意粉，一份芝士焗龍蝦、一份烤龍蝦同一份煎牛仔肉.

龍蝦不大，但新鮮，Aglio Olio 炒得好好，又香有少辣又不太油，質地al dente，讚！

甜品都是自助形式，連同雪糕和生果，都超過十多款選擇.

最吸引的就是即做waffle 同埋movenpick 雪糕，waffle 外脆內軟，雖然要花點時間等，但不能錯過呢！

呢個brunch, 正價$458+10%，11:30 am - 2:30 pm, 四人以上七五折，包一杯sparkling wine 或果汁或汽水，餐後還有一杯咖啡或茶，不用加錢就有一個完美齊全的配搭！

大伙兒嘻嘻哈哈，快樂時光過得特別快，2:40pm還未捨得離開，但這裡有下午茶時段，侍應客氣地提我們要清場了！

Sorriso Italian Cuisine
尖沙咀彌敦道63號iSQUARE 國際廣場29樓2901號舖
Tel: 2328 9123

悠遊意國 2012

只得十天既行程，全程搭歐洲之星Eurostar 火車穿梭四大城市，米蘭-> 威尼斯->佛羅倫斯->羅馬.

因為預早在網上訂到超平既車飛，四程火車每人只需66歐，又快又舒服又安全，超爽啊！如果去到意大利先買，唔止貴好多，仲可能買唔到我地揀選既好時間，如果無飛仲可能要搭本地既火車，治安可能無咁好！

今次係我地第一次兩個人拍拖到歐洲，雖然自己要負責哂所有部門既工作，包括定行程，訂酒店，訂車飛，找美食，忙係忙左d，但就隨心所欲，悠閒一點都唔怕影響人.

今次都用了點時間認意大利文，諗住識睇些意大利文會投入些,起碼要識睇餐牌,唔好叫錯野食，但相比起上兩次認法文同西班牙文，今次就懶左些了.

意大利既地方真係靚到暈，看見網友既相，靚到好似畫一樣，好期待，而且仲有一種相逢恨晚既感覺！愈接近出發既日子，個心就愈興奮緊張！