師傅仔美食 @ 澳門

食完美味的豬扒包, 就沿著營地大街左逛逛, 右逛逛, 原來澳門的小街都幾有特色, 影下相, 就不知不覺已經過了個多小時, 又要找的士到我們食晚飯的地方 - 師傅仔美食.
師傅仔美食是一間很出色的平民飯店, 很多本地人幫襯, 需要預先訂位, 如果要食他們的抵食又好味既雞湯翅, 就一定要預訂.
炸子雞皮脆肉嫩, 有雞味, 似係新鮮雞喎.

大大煲既雞湯翅.

雞湯濃郁, 一梳梳既翅,好滑好淋.

當然要食番隻雞腳, 補下骨膠原啦.

馬拉盞啫啫通菜煲, 招牌菜一定要食, 馬拉盞好香, 通菜好嫩, 最佳拍檔.

生炒排骨, 夠酸夠甜, 好醒胃, 食中餐, 唔少得.

豉椒炒聖子皇, 好味!

砂鍋魚頭煲, 魚雲滑溜溜, 得!

上湯浸菜心, 又嫩又甜.

燒乳鴿, 都幾好, 不過唔夠其他出色.

食物精彩, 價錢經濟, 實在太令人滿足了, 所以每次來澳門, 都一定要黎食番餐.

 

師傅仔美食黑沙環東北大馬路東華新村第12座地下BTel: 2845 4735
sr

勝利茶餐廳 @ 澳門

去不成北京, 近近地去澳門行兩天, 算是個小小補償, 主打當然係食, 食, 食!
下午四時多在酒店放低行李後, 就爭取時間向新馬路出發, 目的係要快些開始第一餐, 否則今天不能達標食到三餐美食.
第一站, 勝利茶餐廳.
澳門豬扒豬仔包, 無錯, 豬扒真係好大塊, 又鬆又脆, 個豬仔包, 就外脆內軟, 好好味, 一定好味過大利來記的豬扒包.

其實應該唔係塊塊豬扒都咁大件, 睇彩數啦, 但點都唔會細塊過個包掛.

奶茶(前) 和茶走 (後) 都幾得.

蝦多士好食, d 蝦膠都好認真.

乾炒牛河, 炒得好香, 有鑊氣, 唔錯!

牛尾湯跟豬仔包, 湯就普普通通, 包就好食.

勝利茶餐廳
新馬路營地大街94號
Tel: (853) 2857 3745

 
 

滿江紅 @ 香港

呢個週末, 媽咪外遊, 對我們來說, 似乎是個好時機, 找些媽咪唔鍾意而我們又好想食的美食, 吃過痛快.

最適合, 應該係四川菜, 因為媽咪怕食辣, 剛好家姐的同事介紹了位於尖沙咀的滿江紅, 一間水煮菜式的專家, 聽到到流哂口水.

我們都算狼死, 三個人叫左

水煮桂花魚(大)
口水雞
麻辣涼粉
蒜泥白肉
雞湯燴雜菇
一個白飯
三枝汽水
 
水煮桂花魚 - 我們好貪心, 擔心細既食得唔夠暢快, 叫了個大既, 見到紅卜卜既辣椒, 好刺激, 桂花魚好滑, 食落又唔係算好辣, 粉皮和青瓜都好味.

口水雞 - 個汁好香, 聞到已經好想食, 都幾麻辣, 但愈食愈好味, 不知不覺, 個嘴同舌頭覺得好麻,

蒜泥白肉 - 呢個都好味, 肥瘦適中, 配埋墊底的青瓜, 得!

麻辣涼粉 - 涼粉很爽滑, 味道都ok, 個人覺得呢個比較遜色, 唔夠其他搶鏡.

雞湯燴雜菇 - 唔錯, 可以平衡番d 辣味.

我們很厲害, 只係食唔哂水煮魚的配菜和口水雞個汁, 最後我們決定帶走口水雞個汁, 留番過兩天整隻白切雞來再食多一次 A 貨口水雞 !

如果鍾意食川菜, 呢間真係唔錯 !