朱古力大理石戚風

之前焗過特濃朱古力戚風，唔成功，一直都未再試，雖然我很喜歡黑朱古力，但其實我做的戚風多數是我們的早餐一部分，如果太濃朱古力味，好似太heavy,唔係太啱口味．

上星期做了個咖啡大理石戚風，不如今個星期照辨煮碗，做個朱古力大理石戚風．

材料　

蛋黃  50g (三隻)
砂糖A 38g
沙拉油 26g
低筋面粉 75g
蛋白   145g (四隻)
砂糖B 30g
檸檬汁 半匙
熱水 53g
黑朱古力  35g

1) 黑朱古力用熱水坐溶
2) 蛋黃加砂糖 A 混合, 加入沙拉油和熱水，拌好
3) 將粉類過篩後加入2)中, 混合至沒有乾粉即可
4) 蛋白加砂糖 B 打至濕性發泡, 與3)混合後, 慢慢加入 1), 大動作攪拌4 - 5次, 小心不要令雲石圖案散開。
5) 倒入17cm模, 入爐用180度焗23分鐘, 倒扣至涼脫模.

比較起，咖啡就香些，黑朱古力就含蓄ｄ，我自己就鍾意咖啡多些！

曼聯對馬來西亞明星隊

由新加坡坐旅遊車到吉隆坡, 要五個多小時, 一來一回, 坐十多小時車, 看似唔容易, 但其實都唔算辛苦, 相比起住在倫敦的曼聯迷, 要到曼撤斯特城捧曼聯場都要坐返咁上下的車程, 係值得的!

當日未天光就出發, 坐了一小時多才影到下面日出的照片

去程時, 為了爭取時間, 因為我們的飛是沒有劃位的, 要先到先霸位的, 所以愈早到愈好, 中途只停了兩次, 食得很簡單, 可以話無啖好食! 不過唔緊要, 今日目標係看曼聯, 其他都唔係好重要!

下午兩點多, 終於到了球場, 已經有很多球迷在等, 開波時間是五時半, 全場可容納八萬球迷, 距離開波時間少過三小時, 仲唔放人入去, 會唔會遲左d呢 ?

我們跟大隊排隊等入場, 等了二十五分鐘, 又熱, 又晒, 又焗, 又迫, 好辛苦呀! 好彩都坐到第一層第二十行左右中間的位置. 最貴的飛就正正在我們的對面.

全埸爆滿呢!

出場啦, 點解係史高斯正選?　唔係傑斯呢？

朗尼狀態唔錯，好快就有波入．

六十分鐘換左四個球員都無傑斯份，唔通我地今日無緣？

已經作好了最壞的打算時，突然見到傑斯同馬捷達熱身，好快就換埋出來添！Yeah!

最後奧雲都有入波，曼聯嬴３：２。

曼聯，一定要踢好ｄ呀，唔可以衰俾C朗同廸維斯睇的！！

曼聯亞洲之行

朋友們問, 你很忙嗎? 很久沒有寫blog, 是的, 原先打算從香港回來, 安安份份在新加坡留十多天就出發到沙巴渡假, 但早兩天, 突然記起曼聯的亞洲之行, 不知那天比賽呢 ?

不看由至可, 一看不得了, 原來呢個星期六在吉隆坡作賽, 心想應該無飛賣喇啩!  怎知賣飛的網站顯示仲有最平的MYR58的飛未賣完喎!

其實當初一早知曼聯會到亞洲時, 知道沒有香港同新加坡份時, 就諗住唔會特登飛去第二到睇波, 因為通常熱身賽都唔會有好多球星隨隊, 之前都試過有一年曼聯來香港比賽時, 呢個又唔黎, 個個又傷了走左, 有點被搵笨的感覺. 

但今次吉隆坡係第一站, 可能傑斯同朗尼會黎, 而且在星期六比賽, 老公唔需要放假, 如果搭旅遊巴, 勉強可以即日來回, 唔駛租酒店過夜!

老公贊成之餘仲搵到朋友幫手, 找到貴少少, 位置又好d既飛, 仲安排車直接去到球場, 雖然我地已經知道自己點樣去球場, 不過始終有直接車會比較安心!

昨晚波飛攞到手時, 真的很興奮, 因為同時都知道很多正選的球員都有去吉隆坡, 包括
傑斯和朗尼!

只是今天看到印尼雅加達酒店炸彈襲擊的新聞, 實在令人憂心, 傷心同擔心, 希望快些破案, 捉到兇徒, 傷者快些康復! 

曼聯取消印尼之行, 雖然可以理解, 但相信印尼的曼聯球迷一定很失望!