义燒

在新加坡很難找到好吃的义燒, 好多义燒都太瘦太乾, 唔夠juicy!  有些都ok, 但唔就腳!  所以想食义燒, 我寧願自己整.

食譜是我二家姐教的, 很簡單!

豬肉眼扒  500g
蜜糖  兩湯匙

醃料:
义燒醬  兩湯匙
粟粉 兩茶匙
蒜頭 兩粒
胡椒粉  少許

1. 肉眼用醃料醃一日,
2. 焗爐預熱220 度, 焗肉眼約30分鐘至熟 (約每五分鐘翻轉一次, 焗十五分鐘後搽蜜糖)

豬肉眼扒選肥瘦均勻, 厚身一點的比較好, 焗好後會有多d肉汁及淋d, 好味d!

朱古力大理石戚風

之前焗過特濃朱古力戚風，唔成功，一直都未再試，雖然我很喜歡黑朱古力，但其實我做的戚風多數是我們的早餐一部分，如果太濃朱古力味，好似太heavy,唔係太啱口味．

上星期做了個咖啡大理石戚風，不如今個星期照辨煮碗，做個朱古力大理石戚風．

材料　

蛋黃  50g (三隻)
砂糖A 38g
沙拉油 26g
低筋面粉 75g
蛋白   145g (四隻)
砂糖B 30g
檸檬汁 半匙
熱水 53g
黑朱古力  35g

1) 黑朱古力用熱水坐溶
2) 蛋黃加砂糖 A 混合, 加入沙拉油和熱水，拌好
3) 將粉類過篩後加入2)中, 混合至沒有乾粉即可
4) 蛋白加砂糖 B 打至濕性發泡, 與3)混合後, 慢慢加入 1), 大動作攪拌4 - 5次, 小心不要令雲石圖案散開。
5) 倒入17cm模, 入爐用180度焗23分鐘, 倒扣至涼脫模.

比較起，咖啡就香些，黑朱古力就含蓄ｄ，我自己就鍾意咖啡多些！

曼聯對馬來西亞明星隊

由新加坡坐旅遊車到吉隆坡, 要五個多小時, 一來一回, 坐十多小時車, 看似唔容易, 但其實都唔算辛苦, 相比起住在倫敦的曼聯迷, 要到曼撤斯特城捧曼聯場都要坐返咁上下的車程, 係值得的!

當日未天光就出發, 坐了一小時多才影到下面日出的照片

去程時, 為了爭取時間, 因為我們的飛是沒有劃位的, 要先到先霸位的, 所以愈早到愈好, 中途只停了兩次, 食得很簡單, 可以話無啖好食! 不過唔緊要, 今日目標係看曼聯, 其他都唔係好重要!

下午兩點多, 終於到了球場, 已經有很多球迷在等, 開波時間是五時半, 全場可容納八萬球迷, 距離開波時間少過三小時, 仲唔放人入去, 會唔會遲左d呢 ?

我們跟大隊排隊等入場, 等了二十五分鐘, 又熱, 又晒, 又焗, 又迫, 好辛苦呀! 好彩都坐到第一層第二十行左右中間的位置. 最貴的飛就正正在我們的對面.

全埸爆滿呢!

出場啦, 點解係史高斯正選?　唔係傑斯呢？

朗尼狀態唔錯，好快就有波入．

六十分鐘換左四個球員都無傑斯份，唔通我地今日無緣？

已經作好了最壞的打算時，突然見到傑斯同馬捷達熱身，好快就換埋出來添！Yeah!

最後奧雲都有入波，曼聯嬴３：２。

曼聯，一定要踢好ｄ呀，唔可以衰俾C朗同廸維斯睇的！！