海港酒家 @ 香港

有親友從美國及印尼回港, 最好莫過於食中餐兼洗洗塵, 地點就揀選在又就腳, 水準又穩定的"海港酒家" (太子), 因為要包房, 不能食小菜, 要食套餐.
今次的套餐都幾有驚喜:
乳豬皮好脆, 可惜乳豬肉少了一些.

東星斑好新鮮, 蒸得啱啱好.

呢個海皇魚翅都好鮮味.

呢個海味一品鍋, 又有鮑魚, 花膠, 又有鵝掌, 好味!

加了少少錢, 將雞改了招牌的燒鵝, 正!

食到連甜品和生果盤都唔記得影相, 份量多到每圍十四個人都未必食得哂 ! 如果係星期一至星期四食呢個餐有七折, 星期五就八五折, 太抵了.
海港酒家
太子彌敦道750號始創中心4樓
tel: 23696380
 
 

生日會

因為太多時間不在香港, 很難參加舊同學兼好朋友的生日會, 剛好十月份的生日會撞正我在香港, 主角有兩位小朋友和一位準媽咪, 為了可以令小朋友玩得暢快d, 所以朋友安排在會所BBQ.

他們準備了很多美食, 但我顧住和四位小朋友玩和食野同傾計, 忘記了和美食影相, 只係影了三張.

鹽燒白鱔, 鰻魚汁白鱔, 好新鮮彈牙, 大隻磨菇好juicy!

牛仔骨都好好味.

燒魷魚鬚, 雖然比較咸，但夾埋生菜一齊食啱啱好, 仲好有韓式feel.
之後的魚蝦蟹, 什菇, 金沙骨統統都無影相了.
 

碗屋 @ 香港

返親香港, 我家人都有很多藉口請我食飯, 今餐去碗屋食日式放題, 原先是我家姐和姐夫撐枱腳, 後來知道我返黎, 就加位預埋我和媽咪, 媽咪其實對日本食物麻麻地, 不過捨命陪君子.
最近碗屋很旺場, 很難book位, 今次我地只可以坐刺身bar 枱位．四個人坐bar 枱真係不太方便，侍應姐姐答應我們如果有訂位客人唔出現，就安排我們轉位，我們的輪侯次序係第二，最終全晚只得坐在我們傍邊的輪侯次序排第一的客人有得換枱．
食物方面，大部分都保持到過往的好水準，只是海膽唔得，好腥！
甜蝦，油甘魚，赤貝，帶子，三文魚都很新鮮好味！

追加又追加！

西京燒銀雪魚很滑，很甘香！

薄燒牛肉，加些七味粉，好吃！

吞拿魚腩小手卷，得！

鵝肝多士，都 ok.

蔬菜鍋竟然有皇帝菜食，好有驚喜．

每人可選一客鮑魚或池魚刺身．

食完呢餐之後，身軀和心靈都很滿足呢！