天喜磯味酒處 @ 香港

今天約埋我家姐一齊食lunch, 同大侄仔提前慶祝生日, 大侄仔在銅鑼灣返學, 所以地點就順理成章揀選了我家姐最近的新歡 - 天喜磯味酒處.
在這些貴價的日本料理食店, 最著數就係在午餐時段幫襯, 通常他們的午餐定食都比起晚市平宜很多.
好心急要試他們的自選壽司餐, 可選八件壽司加卷物, 跟沙拉, 麵豉湯, 蒸蛋和雪糕, 我揀了
海膽 / 中拖羅 / 赤貝 / 秋刀魚 / 油甘魚 / 深海池魚 / 金目鯛 / 帶子 + 吞拿魚腩卷物
可惜今次影的相麻麻地, 因為坐壽司吧檯, 唔係幾好意思在壽司師傅面前左影右影, 而且壽司師傅和我們是有交流的, 唔單止同我們傾計, 仲會根據我們吃的進度而做壽司, 不是一次過做哂八件壽司, 所以影唔到壽司餐的大合照!

由淡到濃, 由先來金目鯛, 深海池魚, 油甘魚, 魚很新鮮, 很滑, 壽司飯很好.

之後就到赤貝, 帶子, 秋刀魚出場, 赤貝和帶子很鮮甜, 秋刀魚帶著香濃的魚味, 很精彩.

吞拿魚腩卷物 - 顧住食, 唔記得影相, 有六粒, 很肥美, 很認真.
最後由重頭戲 - 海膽 / 中拖羅黎結尾, 海膽非常新鮮, 滿口鮮味, 一點腥味都無.

中拖羅實在太靚, 食之前, 忍唔住要幫佢影多張大頭張, 嗯 ... 好好味, 太肥美了. 

雖然最後雪糕味道唔係太啱我, 由大侄仔代勞, 但我已經好滿足了.

 
天喜磯味酒處
銅鑼灣軒尼斯道 523-527號恆和鑽石大廈28樓
Tel: 3421 0472

青醬花甲王三文魚意大利粉

很久沒有逛香港的街市, 今天去了屋企附近的街市逛逛, 覺得很熱鬧和很有生氣, 因為有很多新鮮生猛的海產, 魚蝦蟹不特只, 還有很多貝殼海產, 花甲又大隻又肥, 不吃就對唔住自己. 
終於買了花甲, 做了青醬花甲三文魚皮鮮冬菇意大利粉.

由於太心急要趁熱吃, 顧不了賣相, 只匆匆影了一張相來交功課.
太美味了, 花甲鮮味都不得了, 三文魚皮滑溜溜, 每樣東西都配合得天衣無縫.
 

千両 Sen-ryo @ 香港

爭取時間和香港朋友聚舊見面, 連午飯時間都唔放過, 今天約了朋友在IFC 2 的千両, 正午十二時到達, 竟然唔駛等位, 莫非今天涼了一點, 少了人食壽司?

千両Sen-ryo
中環國際金融中心商場2期3樓
Tel: 2234 7633