牛車水 - 舊建築

返左新加坡已經好幾天, 放了差不多成個月假, 終於回復正常生活.
趁星期六, 到了牛車水食野, 之後在附近逛逛, 睇下d 舊建築物.  無可否認, 新加坡真係保存呢d 有特色的建築物保存得好好.

今日至發現原來係Pearl's Centre 對面的小街都有好幾間舊建築物的酒店仔, 外形好靚之餘, 有d 都幾 hip.

附近有d 建築物都好有心思, 連後樓梯都唔放過.

呢棵植物好特別, 打哂交, 好複雜!

睇近d, 真係唔知係咩東東!

 

本家西尾八橋草餅

老公既同事剛剛去完日本旅行, 又係一個一年去幾次日本都唔厭既人, 真幸福, 好羨慕!

他很好人, 帶了一盒草餅給我們, 係京都本家西尾八橋既草餅, 外形很特別很可愛, 唔係圓形, 係三角形, 有兩種味道, 淺色個款似唔似未煮的雲吞 ?

我鍾意深色呢款, 抹茶皮紅豆蓉餡, 一邊嘆茶, 一邊食, 好爽!
 

太平館 @ 香港

朝早飲完茶, 到銅鑼灣行街, 行到下午茶時間, 未有頭緒食咩野好, 媽咪話不如食魚仔餅, 所以向時代廣場方向進發, 行到白沙道附近, 諗起好耐之前食過一間叫天樂餐廳的瑞士汁炒牛河好味, 但發覺原來已經消失了, 再向前行就到了太平館, 於是決定試下原裝正版的瑞士汁炒牛河.
唔睇佢地既餐牌都唔知道原來太平館已經有差不多一百五十年歷史, 在香港營業都超過七十年, 唔簡單, 唔簡單!
平日的下午茶時間, 唔算好多人, 有六至七張檯客左右, 佢地都有下午茶餐供應, 我地就叫左兩個茶餐.
瑞士汁炒牛河, 都好味, 但未至於好味都會掛住佢.

燴牛脷意粉, 都ok, 好耐無食呢d 舊式餐廳既意粉, 當然唔可以期望意粉彈牙, 但都唔算太淋, 好有懷舊味道.

咖啡都ok.

 
太平館
香港銅鑼灣白沙道6號
Tel: 2576-9161