辣沙丁魚包

早幾日, 攪攪新意思, 做左辣沙甸魚包 .

因為實在太愛仙姐既中種白吐司食譜, 所以都係用左佢黎做個包底, 用左一罐紅圈牌辣椒沙甸魚, 加半個洋蔥, 一條吐司變左做八個包包, 效果非常好!

餡料 :

1.. 紅圈牌辣椒沙甸魚一罐, 隔油取走辣椒, 連魚骨弄碎
2.. 洋蔥半個, 切粒, 用少許沙甸魚油及鹽炒至半熟, 放涼後同沙甸魚肉混合

餡料只夠做六個包, 其餘兩個做左肉鬆包, 入爐前掃蛋汁係麵包面, 200度焗15分鐘.

滿江紅 - 麻辣火鍋 @ 香港

之前姐夫要到南非出差, 我就陪我家姐食飯撐檯腳, 今個星期輪到我老公出差, 我家姐梗係會陪番我啦.

話到尾, 其實我地都係想搵機會放肆一下, 食d 我地鍾意既野, 唔駛辛苦佢地就我地, 所以今次我地揀左去滿江紅食麻辣火鍋, 無錯, 我都覺得我地有少少發癲, 係酷熱天氣警告下, 竟然去食麻辣火鍋, 好彩冷氣充足, 我地都無熱溶或者辣溶.

湯底 - 完美配搭: 鴛鴦鍋, 麻辣湯 + 野菌湯, 食之前, 記得飲番碗野菌湯, 好味.

我地叫左好多野食, 第一樣, 美國特級肥牛, 肥瘦均勻, 麻辣湯浸熟後, 加大量用上湯浸過既芹菜粒, 莞茜同蔥粒一齊食, 好吃, 雖然肉質唔係最淋, 但都好得.

呢碗就係上湯浸過既芹菜粒, 莞茜同蔥粒喇.

要放肆, 就唔少得好耐無係屋企出現既午餐肉.

鮮肉雲吞都好好味.

白鱔片, 都唔錯.

皇帝菜, 好新鮮, 好嫩, 份量都唔少, 呢個放落野菌湯到煮, 得!

苕粉 (薯粉), 麻辣湯煮過後, 煙煙韌, 好爽.

冰凍既忌廉汽水, 爽呀.

前菜好好食, 裡面都好多花椒粒, 所以食左都有麻既感覺, 其實原先一碟係豬頭肉, 我地唔食既, 所以做左一個明智既決定, 換多碟菜.

最可惜呢度無脆嚮鈴, 如果有就接近完美, 我地好厲害, 最後只係食剩四片午餐肉同數條苕粉咋.

其實呢度都幾多選擇, 價錢合理, 值得再黎.

白吐司 - 粟米雞肉三文治

愈來愈愛做白吐司, 看似普通, 但可造性相當高, 變化無窮, 而且仙姐既17小時中種白吐司實在很好吃, 屋企人都好捧場.

今天又做左白吐司, 做左個粟米雞肉三文治.

新鮮既超甜粟米, 又脆又甜, 很好吃.