Sorriso Italian Cuisine - 海景生蠔 Brunch

很喜歡享受weekend brunch, 尤其是semi-buffet 半自助餐， 悠悠閒閒，慢慢嘆，不用過份的豐富，只要有好吃又對胃口的就夠了，吃午餐比起晚餐，又多點時間消化，感覺健康一點，吃多一點都不怕，又會少一點內咎感覺，哈哈！

看過別人的食評，Sorriso Italian Cuisine 的口碑不錯，食物質素高，環境舒服，今天為好朋友慶祝生日，就決定來試一試！
這裡有海景, 訂枱時要求窗邊位，天朗氣清，真爽！

自助前菜，選擇不算超豐富，但都不少，擺盤漂亮，我不止愛吃好味的食物，還愛看漂亮的食物，欣賞廚師的心思，不吃的，看看也好，加分！

重頭戲是即開新鮮生蠔，很新鮮爽甜，雖然要花點時間等待，但廚師逐隻即開那份誠意，又保證新鮮，值得的，我忍不住吃了六隻呢，超滿足！

每人可選主菜一款，龍蝦有三種煮法，烤，芝士焗，或配茄汁意粉. 還有蟹餅，煎牛仔肉同芝士意大利雲吞可選，侍應姐姐好好人，應我們的要求，幫我們問大㕑茄汁意粉可以轉 Aglio Olio 意粉，而且大廚又肯，不愧為意大利餐廳！我們一行六人就選了三份龍蝦意粉，一份芝士焗龍蝦、一份烤龍蝦同一份煎牛仔肉.

龍蝦不大，但新鮮，Aglio Olio 炒得好好，又香有少辣又不太油，質地al dente，讚！

甜品都是自助形式，連同雪糕和生果，都超過十多款選擇.

最吸引的就是即做waffle 同埋movenpick 雪糕，waffle 外脆內軟，雖然要花點時間等，但不能錯過呢！

呢個brunch, 正價$458+10%，11:30 am - 2:30 pm, 四人以上七五折，包一杯sparkling wine 或果汁或汽水，餐後還有一杯咖啡或茶，不用加錢就有一個完美齊全的配搭！

大伙兒嘻嘻哈哈，快樂時光過得特別快，2:40pm還未捨得離開，但這裡有下午茶時段，侍應客氣地提我們要清場了！

Sorriso Italian Cuisine
尖沙咀彌敦道63號iSQUARE 國際廣場29樓2901號舖
Tel: 2328 9123

悠遊意國 2012

只得十天既行程，全程搭歐洲之星Eurostar 火車穿梭四大城市，米蘭-> 威尼斯->佛羅倫斯->羅馬.

因為預早在網上訂到超平既車飛，四程火車每人只需66歐，又快又舒服又安全，超爽啊！如果去到意大利先買，唔止貴好多，仲可能買唔到我地揀選既好時間，如果無飛仲可能要搭本地既火車，治安可能無咁好！

今次係我地第一次兩個人拍拖到歐洲，雖然自己要負責哂所有部門既工作，包括定行程，訂酒店，訂車飛，找美食，忙係忙左d，但就隨心所欲，悠閒一點都唔怕影響人.

今次都用了點時間認意大利文，諗住識睇些意大利文會投入些,起碼要識睇餐牌,唔好叫錯野食，但相比起上兩次認法文同西班牙文，今次就懶左些了.

意大利既地方真係靚到暈，看見網友既相，靚到好似畫一樣，好期待，而且仲有一種相逢恨晚既感覺！愈接近出發既日子，個心就愈興奮緊張！

西班牙英國之旅 - 美食篇 [Barcelona 西班牙炒飯]

西班牙美食當然唔少得西班牙炒飯同海鮮湯，去到西班牙，急不及待要試，第一晚黎到巴塞，雖然被航空公司折騰左一整日，人已經好攰，但都要食野架，我家姐就帶我地到apartment 附近既La Fonda 餐廳試下佢地既西班牙炒飯Paella.

我家姐上年試過呢間餐廳，對佢地既Paella同海鮮湯讚不絕口，因為攰攰地，無心機慢慢睇餐牌，佢地有兩款西班牙炒飯，同埋有墨汁飯，西班牙好多餐廳叫西班牙炒飯都一定要兩人份，呢間餐廳都係，所以我地叫哂三樣一齊試，再叫左海鮮湯，沙拉同烤魚黎試，今日全日都係食飛機餐，所以要食番ｄ好野補番數．

西班牙炒飯（海鮮），真係好好食，好濃海鮮味，飯係主角，最好食，因為吸收哂海鮮既精華，而且質地好好，至於海鮮，魷魚都可以，但蝦就過熟．

呢個係雜錦西班牙炒飯，都好食不過海鮮味就唔夠上面個個咁濃郁．除左海鮮外，仲有排骨．

睇下個墨汁飯，真係好黑呀，雖然樣唔靚，但又幾好食，個香味好特別，好鮮味又好有咬口．

佢地既價錢一ｄ都唔貴，西班牙炒飯一人份都唔駛七歐羅，份量好大，平過好多餐廳．

海鮮湯都好得，好豐富既海鮮味，肯定用左好多海鮮去煲，加埋脆麵包粒，好夾．四個幾歐羅，都唔算貴，飲完真係好滿足．

Sangria都好飲，飲到個個都好眼瞓．

雖然ｄ飯好好食，但係大家狀態都麻麻地，所以食剩左好多，個時又唔醒起打包，第二日諗番起就好後悔，因為我地既Apartment有廚房可以番熱做宵夜，之後食過其他餐廳既西班牙炒飯都唔夠呢間咁好味，就更加掛住La Fonda, 所以第五晚我地就決定番炒　La Fonda.

今次試多左其他食物

我同我家姐兩個飯桶主力食我地最鍾情既西班牙海鮮炒飯，無得彈呀！

上網睇返一ｄ旅遊網，原來呢間餐廳都有好多人讚架，而且佢既環境都好靚，又近La Ramble．

佢地既集團仲有好多餐廳添, 有興趣可以睇下　www.lafonda-restaurant.com/

La Fonda

C/Escudellers 10, Barcelona, SpainTel :93 301 75 15
Neighborhood: El Barri Gòtic, La Ramble