沙巴之旅 2009 - Day 2 (小島遊)

去得沙巴,當然唔少得出海去小島, 今日食完早餐就出發,因為酒店有自己的碼頭, 所以直接由酒店搭船就可以了, 相當方便!

上次去過 Sapi Island, 今次貪近選了去 Manukan Island, 坐類似大飛的快艇, 約15分鐘就到!

呢個係酒店碼頭,

呢到就是Manukan Island 的碼頭.

碼頭有好多好多魚, 有些是黃立鯧, 唔細條呢, 起碼有八吋長!

真的很壯觀呀!

沙灘都唔錯, 水清沙幼, 唔單止有好多魚仔, 當我們用麵包餵魚時, 仲有些深海大泥鯭游埋黎, 好刺激!

因為小朋友想要魚仔, 所以大朋友就很努力用水桶捉魚, 最後都捉到超過十條, 我都唔蝕底, 用膠袋捉到一條呢, 好開心!

朋友話, 之前試過在雨季時去小島, 海水會污濁些, 魚又會少些, 無今次咁靚! 

坦白講, 如果唔係怕曬黑左, 白唔返, 真係好想去多一次小島, 見到咁靚的景色又有咁多魚游係自己附近, 真係好開心!

沙巴之旅 2009 - Day 1

食完韓國菜後，和朋友的囡囡玩了一會，等她午睡後，我們就到市中心做腳底按摩，朋友之前試過呢間 Cres Moment，超乾淨，裝修得很靚，感覺很好，按摩師手勢都得喎，做了一個鐘腳底按摩，剩做腳都有舒服的床瞓到做，盛惠MYR100 (約HKD200), 唔算平但ok!

Cres Moment
Lot No A-G-08, Block A
G/F, Warisan Square

Tel 088 447833
Business Hour: 10am - 10pm

做完都差唔多天黑，行一陣就準備去海王城 Ocean Seafood Village 食海鮮．

奶油虎蝦, 得！

豉油王虎蝦，得！

薑蔥炒沙白，得！　一公斤，唔夠食！

東星班，得，肉很滑！　不過俾人呃秤！

薑蔥炒花蟹，OK!

椒鹽瀨尿蝦，我們想要平時食開個種瀨尿蝦，但佢地攪錯左，俾左隻斑馬紋瀨尿蝦，其實呢隻肉質無平時食開個種咁爽口彈牙，味道都鮮味，不過椒鹽就唔夠香！

炸子雞，雞肉唔得！

他們有很多客，所以無心機俾你自己慢慢選，同埋他們好奇怪的，一次過上哂所有菜，攪到你要食得很急！

最好預先打電話訂位！

Ocean Seafood Village
No. 4, Lorong Api-Api Centre 3
Tel: 088 254701
Website: www.sabahocean.com

Business Hour : 9am - 12 midnight

向沙巴出發 - 沙巴之旅

沙巴之旅

好耐無去沙巴, 第一次是和兩位好朋友一齊去, 今次都是和他們一齊, 不過多左他們的可愛囡囡同工人, 他們留八天, 我們只留四天.  他們是沙巴常客, 有他們安排食,住,行, 基本上我們是無需要帶個腦去!

多年無見, 沙巴唔同了很多, 多了很多新商場, 繁榮了很多, 物價都貴了很多呢!

我們坐 SilkAir 由新加坡到沙巴, 買到平機票,每人只要SGD36, 不過機場稅等雜費就要SGD129, 兩個人加埋都只要SGD330, 都幾抵！

今次我們住在Shangri-la Tanjung Aru Resort & Spa, 環境很好, 房間闊落, 出town或機場只需要十分鐘, 又有自己的碼頭, 出 island很方便, 不過每晚要 HKD1670.

攞好房, 放底行李, 就急不及待出去食午餐, 第一餐在酒店附近高尚住宅區一間隱蔽餐廳食韓國菜, 他們的生牛肉好得，好好味！

炒粉絲同泡菜都好味．

牛肋骨味道ok, 不過我覺得"un"左些,普普通通．

叫呢個牛骨湯時，老闆娘已經警告我們呢個湯好濃味，我們話無問題時，她仍堅持真的很濃味，我覺得在韓國飲牛骨湯都是很濃牛骨味，好味的，照叫！

但估唔到，她所說的濃味，原來是牛的臭味，唔止騷味，飲時覺得好似有一隻生牛企左係你側邊！