沙巴之旅 2009 - Day 2 (小島遊)

去得沙巴,當然唔少得出海去小島, 今日食完早餐就出發,因為酒店有自己的碼頭, 所以直接由酒店搭船就可以了, 相當方便!

上次去過 Sapi Island, 今次貪近選了去 Manukan Island, 坐類似大飛的快艇, 約15分鐘就到!

呢個係酒店碼頭,

呢到就是Manukan Island 的碼頭.

碼頭有好多好多魚, 有些是黃立鯧, 唔細條呢, 起碼有八吋長!

真的很壯觀呀!

沙灘都唔錯, 水清沙幼, 唔單止有好多魚仔, 當我們用麵包餵魚時, 仲有些深海大泥鯭游埋黎, 好刺激!

因為小朋友想要魚仔, 所以大朋友就很努力用水桶捉魚, 最後都捉到超過十條, 我都唔蝕底, 用膠袋捉到一條呢, 好開心!

朋友話, 之前試過在雨季時去小島, 海水會污濁些, 魚又會少些, 無今次咁靚! 

坦白講, 如果唔係怕曬黑左, 白唔返, 真係好想去多一次小島, 見到咁靚的景色又有咁多魚游係自己附近, 真係好開心!