味雅雞飯 Wiya Nasi Ayam, 應該都幾出名, 因為在酒店等的士時, 我們告訴酒店員工"Chicken Rice", 他們就識得問我們是不是 "Wiya"?
其實呢間的海南雞飯,我們第一次來沙巴已經食過, 而且仲俾我們欽點為回程的飛機餐, 話說, 當年我們坐馬航的飛機餐非常難食, 返香港前, 我們到機場check-in 及放底行李後, 特登搭返的士出"味雅" 買左四個海南雞脾飯上飛機食, 飛機一起飛, 我們已經等唔切, 唔駛空姐招呼我們, 自己招呼自己, 大飽口褔! 最可憐的就是坐我們側邊的婆婆, 因為雞飯太香了, 她忍不住要問空姐攞花生食.
五個雞脾飯呀, 唔該!
呢度d 雞比新加坡的較有雞味, 飯都算好味, 不過比不上"天天海南雞飯", 辣椒醬都係!
雲吞細細粒, 都ok!
我們坐了樓上雅座, 有冷氣舒服些, 好似比樓下貴少少, 都公平既, 今餐只吃了大約MYR75, 唔貴啦!
No comments:
Post a Comment