Day07-好味晚餐

今晚原先我地想跟網友介紹, 去一間係metro站LA TOUR MAUBOURG 既餐廳Thournieux試法國田螺, 可惜我地揾佢唔到,
我地唯有望下其他餐廳, 睇下揾間啱budget而又多人幫趁既餐廳試啦, 最後我地揀左一間叫 Le Bistrot du 7.

三個courses 既套餐要22歐羅，因為頭盤無得揀田螺，所以散叫左一個share, 頭盤我揀左鴨肝醬多士沙律，好香好好味，食都最後一啖都仲好好食，法國田螺都幾好，不過無驚喜.

主菜我揀肉眼扒，好味過倫敦既牛扒好多倍，唯一缺憾係唔記得問可唔可以唔要薯條，薯條唔係唔好食, 只係食左好多餐喇, 小螞蟻好滿意佢既主菜，三文魚加烚薯，除左因為個三文魚煮得好幼嫩之外，另一方面係唔駛佢食薯條．小螞蟻太太既羊扒都好靚仔呀!

最後，可以選芝士或甜品，無人揀芝士，我就要左黑朱古力慕絲，幾好，我地大家都好滿意. 加埋飲品, 呢餐食左117歐羅, 唔平呢!

巴黎人都唔算好自我, 好多餐廳都有英文餐牌，所以揾野食都唔係好難.

Day06-Leon de Bruxelles 食青口

晚餐去左Leon de Bruxelles 食青口, 呢間係好出名既連鎖店，係巴黎有9間分店, 去得巴黎一定要試。我地去左 Saint Germain 既分店, 係METRO 10號線 Mabillon 一出站口就會見到.

佢地既青口真係好新鮮同鮮甜, 個人認為白酒汁同蕃茄忌廉汁都好好味, 食物價錢唔貴，汽水就貴, 一個青口套餐約歐羅17, 可樂就要歐羅3.7! 我地叫左四樣野, 食左七十幾歐羅.

SAINT-GERMAIN

131 bd St germain

75006 PARIS

營業時間:
around 11:30 / 11:45 - 24:00 (Sun - Thur)
around 11:30 / 11:45 - 01:00 (Fri - Sat)

http://www.leon-de-bruxelles.fr/

Day06- Hotel Soft @巴黎

終於到左巴黎喇, 天氣都唔好得倫敦好多，有d濛濛雨，係酒店既天氣預測，之後幾天都落雨，真係令人擔心. 今次除左去倫敦外, 巴黎係另一個重點, 個人對巴黎都有d期望, 唔揀西班牙，都係想睇下巴黎有幾浪漫, 巴黎人有幾型仔, 感受下巴黎人既生活, 同埋 . . . 會唔會遇到張曼玉呢?

一直都唔恨去歐洲, 其中一個原因係歐洲d野食唔啱我, 因為太多芝士，牛奶, 牛油, 羊肉，好怕無啖好食, 既然今次要黎, 唯有做定功課, 學定d法文傍身. 唔期望識講，起碼識睇menu唔會叫錯野食先, 最基本我最唔食既都知道叫做 Fromage, Lait, Beurre, Agneau, 唔好揀錯喇!

係巴黎呢幾日, 我地住係 Hotel Soft, 一間係東站(Gare de l’Est) 附近,剛新裝修完既酒店，雙人房價錢約一百歐羅一晚, 房間裝修得好摩登, 佢設計同個d價錢差唔多既酒店好唔同, 職員又好人，又有lift，又有免費無線上網, 又清潔，貴少少都值得.

hotel soft 仲有一個優點, 佢地每間房都有電話，酒店有免費電話打入轉駁服務, 所以每朝早係我出發前, 我家姐都可以用香港超平既 IDD 打俾我煲一煲電話粥, 我就唔駛額外俾無線電話錢! 我唔係好肯定其他差唔多價錢既酒店有無呢樣服務喇!

唯一唔係幾好就是地點, 個條街rue des Vinaigriers比較靜, 不過都好安全, 由東站去要行5分鐘，由北站(Gare du Nord) 去要行15分鐘，都幾適合d搭eurostar到巴黎既人，直接由北站行去唔駛攞住件行李去搭地鐵 (metro), 巴黎地鐵多數都要行樓梯的.

Hotel Soft
52 bis, rue des Vinaigriers
75010 Paris - France
Tel 33 (0) 1 46 07 93 16

http://www.hotelsoftparis.com/