我地唯有望下其他餐廳, 睇下揾間啱budget而又多人幫趁既餐廳試啦, 最後我地揀左一間叫 Le Bistrot du 7.
三個courses 既套餐要22歐羅，因為頭盤無得揀田螺，所以散叫左一個share, 頭盤我揀左鴨肝醬多士沙律，好香好好味，食都最後一啖都仲好好食，法國田螺都幾好，不過無驚喜.
主菜我揀肉眼扒，好味過倫敦既牛扒好多倍，唯一缺憾係唔記得問可唔可以唔要薯條，薯條唔係唔好食, 只係食左好多餐喇, 小螞蟻好滿意佢既主菜，三文魚加烚薯，除左因為個三文魚煮得好幼嫩之外，另一方面係唔駛佢食薯條．小螞蟻太太既羊扒都好靚仔呀!
最後，可以選芝士或甜品，無人揀芝士，我就要左黑朱古力慕絲，幾好，我地大家都好滿意. 加埋飲品, 呢餐食左117歐羅, 唔平呢!
巴黎人都唔算好自我, 好多餐廳都有英文餐牌，所以揾野食都唔係好難.
No comments:
Post a Comment