網友話呢間係百年老店, 附近餐廳唔係好多人既時候, 呢間百年老店都爆滿~有麵包+沙拉+主菜+甜點.一人才14歐羅. 甘就要去見識下啦!
佢座落係 rue du pot de fer 街, 個到有d 似香港中環soho伊利近街, 好多細餐廳, 又有d飲野既地方.
睇下佢個餐牌, 加左價啦, 要16歐羅. 不過又真係幾多人幫趁既.
我覺得佢地既頭盤好多野揀，我又想揀鴨肝沙拉 (加1.5歐羅), 又想揀海鮮沙拉, 又想揀白酒青口(加1.5歐羅), 不過我怕白酒汁裡面有忌廉,問侍應可唔可以唔要忌廉, 佢又話唔得. 終於我選左海鮮沙拉, 叫完之後, 其實我有d後悔, 因為好似好普通, 但又估佢唔到, 好好食喎, 海鮮鮮味, 蔬菜爽口, 個汁仲好夾添。老公選左法國洋蔥湯, 洋蔥湯係佢既至愛, 好味既洋蔥湯一d都唔易做, 佢就對呢度既洋蔥湯超讚. 小螞蟻選普羅旺斯煮海鮮，而小螞蟻太太就揀左法國田螺,都唔錯．
我應該問下間餐廳可唔可以俾我叫兩個頭盤，唔要主菜，好，就等我下次問佢地！ 後來見到人地食青口，雖然係頭盤，份量一ｄ都唔細，唔係用碟上，係用煲上，雖然青口就好似細隻個Leon個ｄ，不過見佢都食得相當滋味，好羨慕佢呀！
好在我既甜品萍果批都好好味，大家都好滿意。
呢個係佢個網址 : http://www.lepotdeterre.com/index2.htm, 有英文既.
Auberge Le Pot de Terre
22 rue du Pot de Fer
75005 Paris
No comments:
Post a Comment