再興燒味 @ 香港

我又放假返左香港喇, 每次回港, 多數都會去下整頭髮, 唔係做色, 就係電下佢, 唔講唔知, 我去左新加坡咁耐, 從來都無係新加坡剪頭髮, 因為夾開一個好的髮型師, 真係唔想重新適應一個新既, 如果剪得唔好, 整醜樣左, 點見人呢 ?
今日和家姐做完頭髮, 就去了灣仔再興食燒味飯, 當時已經係下午二時多, 但依然人來人往, 差不多座無虛席, 一坐低就叫了肥义鴨脾飯兩碗, 唔駛二十秒, 兩碗飯就已經送到黎, 效率奇高!

义燒肥美, 肉質夠淋, 一d 都唔鞋, 燒鴨皮脆肉香, 加埋美味的燒味豉油和白飯, 實在太絕配太好味喇 !
盛惠三十六元一碗 !
 

Raffles Hotel @ 新加坡

時間過得真快, 又到結婚週年紀念日, 上年的今日好似過了無耐, 可能是太特別, 所以印象非常深刻, 感覺好似係上個月才發生 ...
當天是我人生的第一次去到曼聯奧脫福球場, 好興奮, 但因為過程唔順利和時間緊迫, 到了球場門口都無得入去參觀, 最慘又遇到d 唔合作的英國人, 好彩最後都爭取到可以入博物館棒住英超聯賽獎杯和歐冠獎杯影相做紀念, 之後到了美麗如畫的湖區, 更加覺得浪漫得很緊要 ... 雖然有遺憾但很回味!
但當晚的晚餐, 我就不太回味了, 靜靜的湖區, 都有很多餐廳, 我們差不多每間都看過, 最後我選了一間地中海式餐廳, 但我選的食物就普普通通, 呢一餐可能是咁多年的紀念日最普通的一餐, 好彩有其他精彩的事搭夠.
慶祝結婚週年紀念日, 對我來說最重要的節目就係去食番一餐豐富的晚餐, 今年有諗過去食日式和牛燒烤, 不過心水的餐廳似乎環境一般, 不夠靚仔.  最後在網上搜尋了一輪之後, 被一張類似下面的相片吸引了,

就因為漂亮的環境, 所以選了Raffles 酒店的 Bar & Billiard Room 食自助餐, 一直都覺得呢間超過一百年歷史的 Raffles 酒店好古典, 好靚, 係新加坡最靚的酒店之一.

 

食物的種類唔算很多, 但用料新鮮, 賣相精美.

海鮮和頭盤都很好, 只是熱盤和甜品的種類就不算多, 對我來說就不太對口味, 不過環境和服務加分之下, 我對呢晚就非常滿意!

 

巴東牛肉

早幾年儲起了一個頗認真的巴東牛肉食譜, 打算找時間試做, 但一直都忙, 之後食譜更失蹤了.

上幾個星期在伊勢丹買過幾好的牛展, 令到我又想番起自己煮巴東牛肉, 不過今次唔係自己做醬汁, 而係出貓在超市買現成的醬汁.

今天買到了牛展和醬汁, 醬汁的成份有黃豆油, 香茅, 椰醬, 藍姜, 紅蔥頭, 羅望子, 蒜頭, 紅糖, 姜, 鹽, 紅辣椒, 椰絲, 黃姜, 青檸葉等, 根據盒上指示, 只需加肉和醬汁煮就可以, 一盒醬配一磅肉, 所以我只用了大半盒醬和加了少許紅蔥頭和洋蔥.

做法:
1. 用中火在平底鑊炒醬料和洋蔥及紅蔥頭
2. 加入牛展, 炒三分鐘, 倒入1 杯清水. 
3. 加蓋燜煮10分鐘, 熄火焗10分鐘, 重複三至四次至牛展差不多淋.
4. 開蓋煮多20分鐘至汁收乾, 試味及調味.
可配白飯食用.
我覺得醬汁都幾香, 只是偏咸了些, 需要加些糖, 賣相都ok, 配飯好味.