天然麵包香 - 紫心番薯包

手攞住獨角仙的天然麵包香, 心就盤算下第二擊做什麼好呢?

覺得她的紫心番薯包真的很漂亮, 嬌艷的紫色加上花花型的麵包外形, 實在很吸引!

一直以為紫心番薯很容易買, 以為在超級市場 (Cold Storage) 常常見到的日本紫色番薯就是, 一天, 在超市正想取起揀選時, 突然覺得有點奇怪, 點解頭尾兩邊露出來的肉是白色的呢 ? 究竟它們的肉是不是紫色的呢 ?  如果未煮熟時是白色, 煮熟後會唔會變紫色呢? 

突然覺得自己好白痴, 好似好簡單的東西都唔知, 唯有唔買住, 返屋企打電話問媽咪, 問家姐, 上網問網友 ....  好彩無買到, 因為那隻日本紫皮番薯唔係紫心的! 

之後再走遍了好幾間不同品牌的超市, NTUC, Isetan, The Market @ Central, Meidi-Ya, 全部都無得賣, 真係咁罕有？最後返璞歸真，竟然在牛車水的街市找到！

蒸熟後的紫心番薯真身．

紫心番薯茸, 顏色好似薰衣草, 味道唔夠甜, 所以做餡的番薯茸就加了兩茶匙的蜜糖．

造型麻麻地，放落戚風模時唔係好平均．

完成最後發酵．

在焗爐裡, 脹卜卜，很可愛！

出爐啦！

食落覺得麵包的質地都ｏｋ，味道都唔錯！其實我減了2%的水，麵糰都係偏濕，如果唔減水，應該很難用手搓，今次搓了約22分鐘，下次試搓耐些，看看麵包質地可不可以再綿密一些！另外番薯餡可弄散一點，平衡遍佈在包裡會好ｄ．

The Market @ Central @ 新加坡

早一排, 行開 Central, 發覺係Basement 多了一間小型supermarket , 純賣食物, 而且附設一個類似 Foodcourt 的地方, 一邊賣意粉, 一邊賣日本野食!  食物似乎都幾得, 地方又幾舒服, 決定要找一天來試試!

今日午餐去了試他們的意粉 (Pasta & Soup), 意粉價錢是約$7 - $9. 加$5.9 就有湯加沙拉!

呢個係我自選的套餐, 我至愛的煙三文魚沙拉, 雜菜湯, 白酒汁海鮮意大利粉 ($7.9 + $5.9)

湯有很多蔬菜, 可是淡了少許, 不過加些Tobasco就很可口了!

我老公就揀了凱撒沙拉, 周打蜆湯, 白汁雞肉火腿扁麵 ($7.5 + $5.9)

他的周打蜆湯做得很好! 我覺得呢度的食物都幾好, 簡簡單單, 很新鮮, 份量都好夠, 環境很舒服, 下次要試下另一邊的日本野食!

鮮茄免治牛肉飯

So far 蘇 good在香港已經播完很耐, 但新加坡的無線收費台都仲播緊, 上個星期主題是碟頭飯, 其中一款係鮮茄免治牛肉飯, 未播映前幾天的一晚, 電視賣廣告介紹緊So far 蘇 good時, 老公突然叫我幫他錄起呢個節目, 他要看亞蘇介紹後煮給我吃! 

我給他突然奇來的好意, 嚇了一跳, 第一, 下厨一直都不是他的興趣, 已經很多年沒有食過他煮的東西了, 第二, 鮮茄免治牛肉飯並不是我杯茶, 呢款碟頭飯對我來說, 吸引力不大, 因為如果煮得不好, 牛肉會好鞋, 唔好食架!

不過見他盛意拳拳, 唔好意思拒絕他, 唯有自己安慰自己, 好的一餐, 唔好的又一餐! 真係唔好, 就等下一餐!

當他看So far 蘇 good時, 真的很認真攞紙攞筆, 寫底重點.

今日就陪他玩一次煮飯仔!

煮完出來又ok 喎, 都幾好味, 今晚食得仲多飯過平時添!