臻子咖啡大理石戚風杯

自從學識做戚風蛋糕後，就愛上左佢，除了因為唔需要落牛油外, 它鬆鬆軟軟的質地實在很吸引, 做法又唔複雜, 味道又多變化, 係咁多款口味中, 我最鍾意就係咖啡大理石, 有咖啡的香味, 外貌特別, 準備功夫又簡單.
屋企有些臻子粉, 我相信加埋臻子粉去做咖啡大理石戚風應該會幾好, 今次唔用戚風模, 試下小杯裝.

材料
蛋黃 45g (3隻), 砂糖A 20g, 蜜糖 22g, 沙拉油 27g, 熱水 52g, 低筋面粉 75g, 臻子粉 10g

蛋白  145g (4隻), 檸檬汁 1/4 茶匙, 砂糖B 30g

咖啡粉4g, 熱水5g
1) 混合咖啡粉同埋熱水5g, 備用
2) 蛋黃加砂糖A用手動打蛋器混合 （不可以打至發泡，如果打至白色，會使蛋的風味減低) , 加入沙拉油, 蜜糖, 熱水拌勻, 篩入粉類混合。

3) 蛋白和砂糖B,檸檬汁用電動打蛋器打發至企身結實, 和2)混合 (分兩次，不要令蛋白糖霜泡泡消失), 慢慢加入 1), 大動作攪拌4 - 5次, 小心不要令雲石圖案散開, 倒入紙杯約八成滿, 180度焗20分鐘, 取出倒扣。

一份材料可做九杯左右.

我覺得加左臻子粉的效果很好, 果仁味和咖啡好夾, 蛋糕質地依然鬆軟, 正!