在香港要食好吃地道的泰國菜唔難, 九龍城要幾多有幾多, 無想過要在新加坡找一間類似的泰菜店, 原來是不易的. 試過好幾次在新加坡食冬陰功, 個湯是無色的, 即是透明似清湯個種, 雖然味道不是難飲, 但絕對不是應有的風味.
早一排, 去開烘焙店入貨時, 無心插柳下在Bencoolen Street 的 Sunshine Plaza 發現了一間唔錯的平民泰菜店. 我第一次在 Thai Cafe 食他們的午餐, 點了辣椒香葉炒雞肉飯 (Basil Leave Chicken), 連飲品都只是星紙4元9角, 比起美食廣場的泰式食品還要便宜, 而且是即叫即煮, 新鮮熱辣, 很地道泰式味道, 很好吃, 雖然很大碟, 但我都只是吃剩了辣椒碎.
之後心思思又去試他們的泰式炒金邊粉 (Phad Thai), 又得呀, 自己加些乾辣椒碎和砂糖就好似在曼谷食的一樣.
今晚去試午餐以外的食品, 好貪心, 叫了好多.
海鮮冬陰公, 好好味, 好足料, 好大碗, 雖然蝦不夠彈牙, 但是有好多草菇補數, 只識用好滿足來形容.
配白飯, 無得彈.
炒通菜, 因為冬陰公辣, 所以選了個唔辣的炒通菜, 都好味!
牛肉沙律, 典型的泰式沙律, 又酸又甜又辣, 牛肉和配菜都好多, 除了有少許牛肉比較韌之外, 都好開胃和好味.
雞肉湯河粉, 河粉幼滑, 看似清淡, 但都ok, 加些冬陰公湯就更醒胃.
香茅水走冰, 自從在曼谷飲過之後, 已經好鍾意呢款飲品, 如果香茅味再濃一點就更好.
呢餐都只需要星紙二十五元咋, 簡直又好味又好抵!
我相信他們的廚師應該是泰國人, 所以呢到的味道好地道, 雖然無特別裝修, 但都不太重要!
No comments:
Post a Comment