聖誕樹幹蛋糕

踏入十二月，見到好多餅店都有聖誕樹幹蛋糕賣，對於唔識做蛋糕裝飾既我，應該可以試一試，因為比起其他靚靚既蛋糕，呢款應該容易一ｄ．

首先做左個咖啡臻子卷蛋，可能疏於練習，卷得唔好，甩皮呀，好彩要淋朱古力醬遮醜．

之前睇Asia Food Channel － Nigella Lawson 既節目，介紹左一個做朱古力淋面，係唔需要用牛油或忌廉，好啱我呀！即刻記低份量同做法，趁今次試做睇下效果如何．

熱水　60ml

蜜糖　125ml

黑朱古力　175g

Icing sugar 75g 1. 用小煲，煮滾熱水，加蜜糖，攪匀，熄火 2. 加入切碎朱古力，打轉至溶，待數分鐘 3. 加入篩好的糖粉攪拌至光滑（如怕太甜可減糖粉） 等朱古力醬涼後，可慢慢倒在卷蛋面，批蕩至樹幹樣．起初個朱古力醬太有光澤，放入雪櫃後，變得啞色一點就比較似樹皮，加點糖粉扮雪．

今次比較懶，只加左現成的聖誕裝飾，完成！