飲茶 - 老香港小鮮 @ 新加坡

好耐無食點心, 心思思就去左老香港小鮮飲茶, 呢間酒樓聽講係香港人開, 食落佢d 點心, 比起周庄的點心, 真係較有香港味道, 而且整得較有心機.
蝦腸粉, 腸粉好滑, 唔會好似塑膠.

燒賣既外貌同味道都好, 裡面d 豬肉係切粒, 唔係免治豬肉, 連埋爽口既蝦肉同冬菇, 得! 

連胡椒豬肚湯都有, 幾好喎, 豬肚好厚身, 唔會太硬又唔太淋, 咸酸菜好爽口, 湯味好濃.

乾燒伊麵, 味道對板, 雖然細碟左d, 但兩個人都夠食.