五分鐘歐式麵包

數個月前, 曾試做免搓包, 但自己做得唔好, 加上麵包質地過於煙韌, 唔係太啱我地口味, 而且當時唔知道麵包要放涼才好切, 否則影響包的質地, 所以之後就無再做. 

最近看到一位 Blog 友 祖宜, 介紹了一個很好的食譜 - 五分鐘歐式麵包 (這個食譜來自Jeff Hertzberg 和 Zoe Francois 合編的書 Artisan Bread in Five Minutes a Day), 做法同免搓包好似, 同樣不需要搓, 只要混合材料, 由它發酵五小時, 就隨時可用, 放在雪櫃, 十四天內用就可以, 呢隻包同免搓包的分別, 除了發酵時間不同, 用的麵粉都不同, 竟然用的是中筋粉, 而不是高筋粉, 呢點我覺得幾好, 因為如果我唔鍾意免搓包太韌, 所用麵粉少了筋性, 可能會比較啱我.

而且, 最吸引我既係, 呢個麵糰, 千變萬化, 拉成長條是很像樣的「棍子」法包 baguette,棍子再切成小塊烤就是餐包, 擀平了撒餡料烤就是pizza, 直接在平底鍋上烙就像印度的烤餅 naan. 

可以做成 pizza 就實在太好了, 係屋企做 pizza, 自己喜歡咩材料就落咩, 唔鍾意落芝士就唔落, 好, 一於試做, 但我怕做得唔好, 所以只做一半份量 [即下面括號內的份量]

基本麵團：
溫水                  3 杯（稍微高過體溫即可） [340g]

乾酵母              1 ½  大匙                               [6g]

鹽                      1 ½  大匙                               [5g]

中筋麵粉          6 ½ 杯                                    [455g]


1. 把所有材料攪和，放入有蓋的塑膠盒中 ，在室溫下靜置發酵約兩小時，直到麵團表面膨脹攤平為止。放入冰箱冷藏三小時後即可使用，可存放十四天。

2. 使用時，先在手上與麵團表面撒一點麵粉，抓起約葡萄柚大小的麵團 (不要太大, 否則很難熟)，用剪刀剪下，如果沾手就撒更多麵粉。把麵團整成圓形，動作要輕快，千萬不要揉，以免把麵團裡的空氣擠掉（見影片示範）。 整好的麵團放在撒了麵粉（防沾用）的烤紙上進行最後發酵約一小時（作者說二十至四十分鐘，但祖宜的經驗是六十至九十分鐘比較好）。

3. 烤箱預熱攝氏230°，作者建議用石板陶板或磚塊鋪在箱架上，並在下一層烤架上擺一個空的烤盤（用來裝水）。如果沒有石板，用有蓋鐵鍋也可以（如 Le Creuset, 一定不可有膠配件)。作者還說預熱二十分鐘就好了，即使烤箱上指示溫度還沒有到。

4. 發酵好的麵包表面切割線條 (多撒一點麵粉比較好切），移至預熱的石板上，並在下方的烤盤倒一杯熱水，烤20－25分鐘。如果用鐵鍋，直接把麵團同烤紙一起移入鍋中，加蓋即可，最後十分鐘開蓋烘烤，直到表面金黃。

烤好的麵包冷卻後即可切食.

麵包出爐既時候, 好香, 好吸引, 但一定要忍手, 不可以即刻切, 放涼後切開, 我覺得比起之前做的免搓包真係好d 喎, 質地帶少許韌, 但放涼後, 麵包皮會唔夠脆, 如果將麵包切片烘熱就好吃.

預備呢個麵糰真的很簡單, 而家最心急想做就係 Pizza.  (見下一篇 ... )