再做 - 白吐司 (17小時中種)

星期日又再做白吐司, 今次主要試用210度爐火同埋想改善四邊有少許硬既問題, 請教過 blog友後, 今次第二次發酵時, 我無等到九成滿, 只係用左55分鐘至八成滿就入爐.  
今次出黎既顏色靚左好多, 不過都係有d 唔平均同唔夠深色, 我覺得仲可以用大多十度既火試試, 不過麵包形就退步左d, 無上次咁頂角.

兩隻角圓圓地, 不過今次四邊好似無之前既咁硬, 軟熟左d.

下次想試試 220度火同發酵至八成半滿先入爐, 睇下效果會唔會好d.

尋日既美味早餐 - 自製花生醬加砂糖吐司.