曼谷自由行 Day 4 - 午餐＠ Flavour @ Central Food Hall

2010 年 2 月 22 日
尋日既晚餐, 我地番炒左姐鵝, 除左因為佢好味外, 另外亦啱我地既小侄仔, 不過費事悶親你地, 所以唔擺相出黎喇.
今日食過早餐後, 小侄仔一家三口會去 Siam Paragon 既 Siam Ocean World 參觀, 我地唔同佢地去, 因為我地同家姐, 姐夫係07年既時候已經去過了, 而且我媽咪又唔係好有興趣, 雖然我好想黐住小侄仔, 但入場券太貴了, 大人要八百幾泰幣, 再去就唔係好值, 唯有分開行動.
我同老公, 家姐就去 Central World 行街, 姐夫就係酒店做Gym, 媽咪就係酒店打機同睇戲, 之後至一齊食午餐, 呢d 就真係酒店方便既好處.
今日我地係 Central World 既 Flavour @ Central Food Hall 食午餐, 呢度好多選擇.
加料豬手飯, 加左兩隻滷水糖心蛋, 豬腸同多d 豬手, 都只係七十幾泰幣, 好味.

泰式'拔拔'餸, 我地揀左香葉炒肉碎, 泰式辣茄子, 泰式豆醬炒菜, 好好味, 呢個我地要左兩個.

仲有一個飯, 無影相.
冬陰功魚蛋湯河粉, 好豐富, 好惹味.

唔辣魚蛋湯河粉, 河粉係咁多餐食過既最滑既河粉.

真係唔知, 泰國既芒果糯米飯係咪會令人上隱架呢, 食完正餐後, 雙腳就會不受控制地走去買芒果糯米飯, 我同家姐一人一個, 媽咪就幫我地每人食半個芒果, 我覺得自己既食量真係有點嚇人.

食完好滿足, 再shop 多一陣, 就打算去林珍香買手信, 原來小侄仔又係林珍香附近, 我地又重逢喇.
行返酒店既路上, 有好多街邊小食, 不過我地太飽無食喇.

仲見到曼谷有d 舊巴士, 舊到無人信.