係建興酒家食完晚飯都唔係好夜, 而且又好近 BTS Sala Daeng 站, 係BTS Sala Daeng 站附近既夜市唔止有街行, 仲有好既街邊野食 - 豬雜粉.
呢檔豬雜粉係07年去曼谷時, 朋友帶我地黎食既, 真係一試難忘, 因為佢地既豬雜種類非常齊全, 味道同質地都做好好.
豬肺最好食, 粉腸, 豬脷同豬橫脷都好好味, 唔硬又唔會過淋, 個湯都好濃胡椒味, 每碗都只係泰幣三十蚊.
我媽咪好鍾意食河粉, 佢地既河粉好得意, 卷埋一條條, 可惜我媽咪嫌d 河粉唔夠滑同唔夠淋.
加d 辣椒乾同魚露, 就更好味.
呢檔豬雜粉係BTS Sala Daeng 站下面, Haagen Dazs 門口, 對面有7-11.
佢地話逢星期一休息, 每天晚上六點開檔, 但我地之後既星期二晚七點再黎過, 竟然摸門釘, 佢地都未開檔, 個人認為九點黎比較穩陣.
隔離有擋食猪手飯的都超級Yummi~~~~呢
ReplyDelete[版主回覆03/06/2010 18:50:00]係呀, 我地都知架, 不過個日無開檔呀! 佢D糖心滷水蛋都好得架.
你都好識食喎 !
我鐘意食嘢嫁!..但係又不敢食好多...所以好鐘意睇你個美食blog.....望到都開心
ReplyDelete[版主回覆03/07/2010 16:17:00]Thank you! 我有時都唔敢食得咁過分, 睇人地blog 既美食, 睇完就當自己食左喇.
我中意食內臟不過近來‘年紀’漸長要減quota 胡椒湯底最合我意！豬雜要好多時間清洗準備，都係出街食好，30baht就有交易，好抵呀！
ReplyDelete[版主回覆03/10/2010 13:11:00]內臟真係唔可以食咁多, 不過內臟又真係幾好味, 係香港做得出色既有上環生記既及第粥.
呢檔既豬雜真係做得好出色, 好乾淨, 每種豬雜應該有既口感都保留到.
我住九龍想食粥的時候會去妹記，及第粥好味道，撈魚皮都吾錯。
ReplyDelete[版主回覆03/10/2010 16:30:00]妹記好多人捧場, 我都有去過, 但無試過及第粥, 剩係食過魚腩粥, 個人覺得生記好少少.
這間很好吃又新鮮，楜椒味剛剛好，中國城的亞綠粿汁楜椒味太重，沒辦法喝完，帶朋友去也說好吃。還有一攤在convinenet road 的7-11轉角，約晚上１０點開檔的胖哥燒烤，好好吃～每次去sala daeng必吃粿雜和豬肉串 BY Vera
ReplyDelete