天天海南雞飯 (開分店 ) @ 新加坡

試過唔少新加坡既海南雞飯, 我至愛既依然係牛車水 Maxwell Food Centre 既天天海南雞飯. 

就算如出哂名好吃既文華東方酒店 Chatterbox, 唔好比較價錢, 只係比較味道, 我都覺得天天好味好多, 雞肉兩間都係無咩雞味 (新加坡既雞係無香港既雞咁有雞味), 但肉質, 天天既比較滑, 雞油飯, 天天既比較香同好味, 又唔會太油, 辣椒醬, 天天既調較得最適中, 無論甜, 酸, 辣, 咸都啱啱好, 係我食過咁多間, 我最鍾意.  比較埋價錢, 就更加無得比, Chatterbox 收星紙 22 ++, 天天要埋雞脾都唔駛星紙四蚊, 不過環境就真係好唔同, 俾多一百蚊港紙買個酒店環境同服務, 都要既.
平時我差唔多每兩個星期都會去天天一次, 今次成個月唔係新加坡, 尋日至有機會去, 排隊時至見到佢地原來開左分店, 係新加坡東邊既如切路 (Joo Chiat Road), 其實佢地應該早就開分店, 好野應該俾多d 人分享.

太耐無食, 我要食得豐富d, 雞脾飯加雞肝加飯, 好滿足, 雞肝好甘香, 剩食或加辣椒醬都一樣好食, 最後只係食剩少許雞皮, 一粒飯都無浪費.

 

Maxwell Food Centre (China Town)

Stall 10
Singapore
11am to 8pm
Monday Closed

s